பஜ்ஜியை அடுத்து ரெய்னா வீட்டிலும் 'குவா குவா' சப்தம் கேட்கப் போகிறது!
மும்பை: கிரிக்கெட் வீரர் சுரேஷ் ரெய்னாவின் மனைவி பிரியங்கா கர்ப்பமாக உள்ளாராம்.
கிரிக்கெட் வீரர் சுரேஷ் ரெய்னாவுக்கும் அவரது பள்ளி காலத்து தோழி பிரியங்காவுக்கும் கடந்த ஆண்டு ஏப்ரல் மாதம் 3ம் தேதி திருமணம் நடைபெற்றது. வெளிநாட்டில் பணிபுரிந்த பிரியங்கா திருமணத்திற்காக வேலையை விட்டுவிட்டு வந்து இந்தியாவில் செட்டில் ஆகிவிட்டார்.
டெல்லியில் நடந்த ரெய்னா, பிரியங்காவின் திருமணத்திற்கு கிரிக்கெட் வீரர்கள், பாலிவுட் பிரபலங்கள் என பலர் வந்திருந்தனர். இந்நிலையில் பிரியங்கா கர்ப்பமாக இருப்பதாக ரெய்னா தெரிவித்துள்ளார்.
இது குறித்து ரெய்னா கூறியிருப்பதாவது,
நான் விரைவில் தந்தையாகப் போகிறேன். அடுத்த மாதம் எங்கள் வீட்டில் குட்டிப்பாப்பா இருக்கும். பிரியங்கா பிரசவத்திற்காக ஹாலந்து சென்றுள்ளார். அவருடன் என் தாய் உள்ளார். நானும் விரைவில் ஹாலந்து செல்கிறேன் என்றார்.
கிரிக்கெட் வீரர் ஹர்பஜன் சிங்கின் மனைவி கீதா பஸ்ராவும் கர்ப்பமாக உள்ளார் என்பது குறிப்பிடத்தக்கது.