போங்க.. எங்க அப்பா மாதிரி ஓட்டு போடுங்க... தோனி மகள் வேண்டுகோள்..வைரல் வீடியோ
ராஞ்சி: கிரிக்கெட் போட்டிகளில் மட்டுமல்ல, நாட்டின் குடிமகனாகவும் கடமை தவறாத தோனி தனது வாக்கினைபதிவு செய்தார். அத்துடன் வாக்களிக்குமாறு தனது மகளுடன் சேர்ந்து வீடியோ ஒன்றையும் ரசிகர்களுக்காக வெளியிட்டுள்ளார்.
நாடு முழுவதும் ஐந்தாவது கட்டமாக பல்வேறு தொகுதிகளில் மக்களவை தேர்தல் இன்று நடந்தது.
உத்தரப்பிரதேச மாநிலத்தில் காங்கிரஸ் தலைவர் ராகுல் காந்தி போட்டியிடும் அமேதி, ஐக்கிய முற்போக்கு கூட்டணி தலைவர் சோனிகாந்தி போட்டியிடும் ரேபரலி, மத்திய அமைச்சர் ராஜ்நாத் சிங் போட்டியிடும் லக்னோ உள்பட நாடு முழுவதும் பல்வேறு தொகுதிகளுக்கு தேர்தல் விறுவிறுப்பாக நடந்தது.
இதேபோல் தான் ஐபிஎல் கிரிக்கெட் தொடரும் விறுவிறுப்பாக நடந்து வருகிறது. சென்னை அணிக்காக விளையாடி வரும் இந்திய கிரிக்கெட் அணியின் நட்சத்திர வீரரும் , சென்னை சூப்பர் கிங்ஸ் அணியின் கேப்டனுமான மகேந்திர சிங் தோனி வாக்களிப்பதற்காக தனது சொந்த ஊருக்கு சென்றுள்ளார்.
இன்று ஜார்க்கண்ட் தலைநர் ராஞ்சியில் உள்ள ஜவாஹர் வித்யா மந்தரி வாக்குப்பதிவு மையத்தில் தோனி தனது வாக்கை பதிவு செய்தார். அங்கு தோனியுடன் அவரது குடும்பத்தினரும் வாக்களித்தனர். மோடி வாக்களித்த பின்னர் தனது மகள் ஜிவாவைத்து ஒட்டு போட செல்லுங்க மக்களே என சொல்லவைத்து சூப்பராக போஸ் கொடுத்துள்ளார்.அந்த வீடியோல் தன் அப்பாவைப்போல் அனைவரும் ஓட்டுப்போட வேண்டும் என ஜிவா செல்ல மொழியில் பேசுகிறார். இந்த வீடியோ வைரலாகி வருகிறது.