உலகின் 4வது அழகான பெண் ஐஸ்வர்யா ராய்: முதலிடம் யாருக்கு தெரியுமா?
நியூயார்க்: உலகின் அழகான 30 பெண்கள் பட்டியலில் ஜஸ்வர்யா ராய்க்கு 4வது இடமும், தீபிகா படுகோனேவுக்கு 29வது இடமும் கிடைத்துள்ளது.
ஹாலிவுட் பஸ் என்ற இணையதளம் உலகின் அழகான பெண்கள் குறித்த கணக்கெடுப்பு ஒன்றை நடத்தியது. இந்த கணக்கெடுப்பு முடிவுகளின் அடிப்படையில் உலகின் அழகான 30 பெண்கள் பட்டியல் வெளியிடப்பட்டுள்ளது.
பல ஹாலிவுட் நடிகைகள் இடம்பெற்றுள்ள அந்த பட்டியலில் இரண்டே இரண்டு பாலிவுட் நடிகைகள் மட்டும் இடம்பெற்றுள்ளனர். அதன் விவரத்தை பார்ப்போம்.
மோனிகா பெலுச்சி
இத்தாலியில் பிறந்த ஹாலிவுட் நடிகையான 49 வயதாகும் மோனிகா பெலுச்சி தான் உலகின் அழகான பெண் என்று ஹாலிவுட் பஸ் கணக்கெடுப்பில் தெரிய வந்துள்ளது.
கேட் அப்டன்
21 வயதாகும் அமெரிக்க மாடலும், நடிகையுமான கேட் அப்டன் உலகின் இரண்டாவது அழகான பெண்ணாக தேர்வு செய்யப்பட்டுள்ளார்.
ஏஞ்சலினா ஜூலி
பிரபல ஹாலிவுட் நடிகையும், 6 குழந்தைகளின் தாயுமான ஏஞ்சலினா ஜூலி உலகின் அழகான 30 பெண்கள் பட்டியலில் 3வது இடத்தை பிடித்துள்ளார்.
ஐஸ்வர்யா ராய்
உலக அழகி பட்டம் வென்ற ஐஸ்வர்யா ராய் உலகின் 4வது அழகான பெண்ணாக அறிவிக்கப்பட்டுள்ளார். ஐஸ்வர்யா குழந்தை பெற்றாலும் இன்னும் அவருக்கு மவுசு குறையவில்லை என்பதையே இது காட்டுகிறது.
ரிஹானா
பிரபல பாப் பாடகி ரிஹானா உலகின் 9வது அழகான பெண் என்று ஹாலிவுட் பஸ் கணக்கெடுப்பில் தெரிய வந்துள்ளது.
ஸ்கார்லெட் ஜொஹன்சன்
உலகின் மிக கவர்ச்சிகரமான பெண் என்று தேர்வு செய்யப்பட்ட ஸ்கார்லெட் ஜொஹன்சன்னுக்கு இந்த பட்டியலில் 10வது இடம் தான் கிடைத்துள்ளது.
தீபிகா படுகோனே
பாலிவுட்டின் முன்னணி நடிகையாக இருக்கும் தீபிகா படுகோனே உலகின் அழகான 30 பெண்கள் பட்டியலில் 29வது இடத்தில் உள்ளார்.