டிவிட்டரில் டிரண்ட் ஆகும் ஆமிர் கான் குறித்த அமுல் விளம்பரம்
மும்பை: நடிகர் ஆமிர் கான் குறித்து அமுல் நிறுவனம் முன்பு போட்ட விளம்பரம் தற்போது டிவிட்டரில் டிரண்ட் ஆகியுள்ளது.
சகிப்புத்தன்மையின்மை தொடர்பாக ஆமிர்கான் தனது மனைவி கூறியதாக தெரிவித்த கருத்துக்கள் சர்ச்சையாகியுள்ளன.
இந்த நிலையில்தான் அமுல் நிறுவனத்தின் பழைய விளம்பரம் ஒன்று இப்போது இணையத்தில் வைரலாக வலம் வர ஆரம்பித்துள்ளது..
கில்லாடி...
சமூகம் சார்ந்த கருத்துகளை வைத்து ஹாஸ்யமாக விளம்பரம் போடுவதில் அமுல் கில்லாடியாகும். அந்த வகையில் தற்போது ஆமிர்கான் குறித்தும் அது முன்பு ஒரு விளம்பரம் போட்டிருந்தது. அதுதான் டிரண்ட் ஆகி வருகிறது.
பிகே...
பிகே பட ரிலீஸின்போது போட்ட விளம்பரம் அது. அதில் பிகே படத்தில் வரும் ஆமிர்கானின் படத்தைப் போட்டு கீழே கா. பிகே ஜானா என்று போட்டிருந்தனர்.
ஆல் இஸ் வெல்...?
மேலும் தற்போதைய பிரச்சினை தொடர்பாகவும் ஆமிர்கானை வைத்து ஒரு விளம்பரம் போட்டுள்ளது அமுல். அதில், ஆமிர்கான் தனது மனைவி கிரண் ராவிடம், ‘ஆல் இஸ் ஹெல் அல்லது ஆல் இஸ் வெல்' என்று கூறுவதாக போட்டுள்ளனர்.
மக்கள் கருத்து...
பலரும் அமுல் நிறுவன விளம்பரத்தைப் பற்றி சிலாகித்து டிவிட்டரில் கமெண்டுகளைக் குவித்து வருகின்றனர். சரியான முறையில் மக்களின் உணர்வுகளை அமுல் படம் பிடித்துக் காட்டியுள்ளதாக பலரும் கருத்து தெரிவித்து வருகின்றனர்.
பாராட்டு...
அமுல் நிறுவனத்தின் ஆமிர்கான் விளம்பரத்தை யாராலும் பீட் செய்ய முடியாது என்றும் புகழாரம் சூட்டுகின்றனர்.