8 ஆண்டுகள் பழமையான அன்னா ஹசாரேவின் ஸ்கார்ப்பியோ கார் ஏலத்திற்கு!

டெல்லி: 8 ஆண்டுகளாக தான் பயன்படுத்தி வந்த காரை ஏலம் விட அன்னா ஹசாரே முடிவு செய்துள்ளார்.

77 வயதான சமூகசேவகர் அன்னா ஹசாரே, ஜன் லோக்பால் மசோதாவை உருவாக்கி சட்டமாக்குமாறு வலியுறுத்தி வருகிறார்.

இதற்காக அவர் தன்னுடைய காரில் 8 ஆண்டுகளாக சுற்றுப்பயணம் செய்து வருகிறார்.

தற்போது ஹசாரேக்கு ஏற்பட்டிருக்கும் முதுகு வலி காரணமாக புதிய கார் வாங்க முடிவு செய்துள்ளார். எனவே தற்போது பயன்படுத்தும் ஸ்கார்ப்பியோ காரை அவர் ஏலம் விட முடிவு செய்துள்ளார்.

வருகிற 17 ஆம் தேதி பகல் 11 மணிக்கு அவருடைய சொந்த ஊரான ராலேகான்சித்தியில் ஏலம் நடைபெறுகிறது.

English summary

Social activist Anna Hazare is all set to auction the SUV he had been using as he plans to generate funds for a new vehicle.