• search
For Quick Alerts
ALLOW NOTIFICATIONS  
For Daily Alerts

தொட்டதெல்லாம் வெற்றி.. ஏக குஷியில் பாஜக.. விரைவில் ராமர் கோவில்.. நிஜமாகும் வாக்குறுதி!

|
    Ayodhya verdict | அயோத்தியில் ராமர் கோவில் கட்டலாம்: உச்சநீதிமன்றம் தீர்ப்பு

    டெல்லி: பாஜகவின் தேர்தல் வாக்குறுதிகளில் ஒன்றான அயோத்தியில் ராமர் கோவில் கட்டுவது விரைவில் நிஜமாகும் சூழ்நிலை உருவாகி உள்ளது.

    பாஜக கடந்த 2014ம் ஆண்டு தேர்தலின் போதே, அயோத்தியில் ராமர் கோவில் கட்டப்படும் என்று வாக்குறுதி அளித்தது. தற்போது சரியாக 5 வருடங்கள் கழித்து அதற்கான நேரம் கூடி வந்துள்ளது. இன்று அயோத்தி வழக்கில் தீர்ப்பு வந்தது.

    அயோத்தி வழக்கில் சர்ச்சைக்குரிய நிலத்தில் ராமர் கோவில் கட்டலாம், இஸ்லாமியர்களுக்கு மசூதி கட்ட 5 ஏக்கர் மாற்று இடம் தர வேண்டும் என்று உச்ச நீதிமன்றம் தீர்ப்பு வழங்கி உள்ளது.

    அயோத்தியில் ராமர் கோவில் கட்டுவதற்கு எப்போதுமே எங்கள் ஆதரவு உண்டு.. காங்கிரஸ் அறிவிப்பு

    வெற்றி

    வெற்றி

    பாஜக கட்சிக்கு தொட்டதெல்லாம் வெற்றியாகும் காலம் இது என்று கூறலாம். லோக்சபா தேர்தலில் பாஜக வெற்றிபெறும், பெரும்பாலும் கூட்டணி ஆட்சி அமைக்கும் என்று கணிப்புகள் வெளியான நேரத்தில், பாஜக 300+ இடங்களை வென்று தனிப்பெரும் கட்சியாக மாறியது. இந்த இமாலய வெற்றி பாஜகவிற்கு பெரிய நம்பிக்கையை தந்தது.

    அதி வேகம்

    அதி வேகம்

    அதன்பின் அதிவேகமாக பல்வேறு மசோதாக்களை பாஜக லோக்சபா, ராஜ்யசபா இரண்டிலும் நிறைவேற்றியது. முத்தலாக் சட்டம், புதிய மோட்டார் வாகன சட்டம் என்று சர்ச்சைக்குரிய சட்டங்களை கூட பாஜக ராஜ்யசபாவில் பெரும்பான்மையை இல்லாமல் நிறைவேற்றியது. அதன்பின்தான் மிகப்பெரிய அதிரடியை பாஜக செய்தது.

    காஷ்மீர் வெற்றி

    காஷ்மீர் வெற்றி

    ஆம் யாரும் எதிர்பார்க்காத வகையில் மத்திய பாஜக அரசு, ஜம்மு காஷ்மீரின் சிறப்பு அதிகாரத்தை நீக்கியது. அதோடு ஜம்மு காஷ்மீரை யூனியன் பிரதேசமாக்கியது. லடாக் என்ற இன்னொரு யூனியன் பிரதேசமும் உருவானது. இதை பாஜகவின் பல வருட கனவு என்று கூட கூறலாம்.

    பாஜகவின் கனவு

    பாஜகவின் கனவு

    இந்த நிலையில் பாஜகவின் இன்னொரு கனவான ராமர் கோவில் தற்போது நினைவாகும் தருணம் உருவாகி உள்ளது. அயோத்தி வழக்கில் வெளியாகி இருக்கும் தீர்ப்பின் மூலம் ராமர் கோவில் கட்டுவதற்கான அனுமதியை மத்திய அரசு பெற்றுள்ளது. இன்று வழங்கப்பட்ட தீர்ப்பில் சர்ச்சைக்குரிய 2.77 ஏக்கர் நிலம் ராம ஜென்மபூமி நியாஸ் அமைப்புக்கு வழங்கப்படவேண்டும், என்று நீதிமன்றம் தீர்ப்பளித்துள்ளது.

    1045 பக்க அயோத்தி தீர்ப்பு

    கோவில்

    கோவில்

    இதனால் பாஜக ஏக குஷியில் உள்ளது. அவர்கள் எதிர்பார்த்த தீர்ப்பு வந்து இருக்கிறது. வெற்றி மேல் வெற்றி வந்து சேர்வதால், பாஜக மிக விரைவில் அயோத்தியில் ராமர் கோவில் காட்டும் என்று கூறுகிறார்கள். பெரும்பாலும் இந்த வெற்றியை கொண்டாட பிரதமர் மோடி அயோத்தி செல்வார் என்றும் கூறப்படுகிறது.

     
     
     
    English summary
    Another diamond in the crown: Ayodhya Verdict gives an extra booster to BJP party.
    உடனடி நியூஸ் அப்டேட்டுகள்
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X