நிஜவாழ்க்கையிலும் அனுபம்கெர் வில்லனே.... சாடும் பாஜக எம்பி யோகி ஆதித்யநாத்
டெல்லி: தம்மை பாஜகவில் இருந்து தூக்கி எறிய சொன்ன பாலிவுட் நடிகர் அனுபம்கெர் நிஜவாழ்க்கையிலும் வில்லன்தான் என்று அக்கட்சியின் எம்.பி. யோகி ஆதித்யநாத் சாடியுள்ளார்.
பாலிவுட் நடிகர் அனுபம்கெர், ஆர்.எஸ்.எஸ். இயக்க ஆதரவாளர். மத்தியில் பாரதிய ஜனதா அரசு அமைந்தது முதல் வெளிப்படையாக அக்கட்சியை ஆதரித்து பேசி வருகிறார்.
நாட்டில் சகிப்பின்மை குறைந்து வருவதாக விமர்சனங்கள் எழுந்த போது, அனுபம்கெர் தலைமையில் சகிப்பின்மை இந்தியாவில் இருக்கிறது என டெல்லியில் பேரணியும் நடத்தப்பட்டது. அண்மையில் கொல்கத்தாவில் நிகழ்ச்சி ஒன்றில் பங்கேற்ற அனுபம்கெர், தொடர்ந்து சர்ச்சைகளில் சிக்கி முட்டாள்தனமாக பேசிவரும் பாஜகவின் யோகி ஆதித்யாநாத், சாத்வி பிராச்சி ஆகியோரை கட்சியில் இருந்து தூக்கி எறிந்து சிறையில் அடைக்க வேண்டும் என விமர்சித்திருந்தார்.
இது குறித்து பதிலளித்த யோகி ஆதித்யநாத், அனுபம்கெர் திரைப்படங்களில் மட்டுமல்ல.. நிஜ வாழ்க்கையிலும் வில்லன்தான்... அவரை பற்றி இதற்கு மேல் எதுவும் சொல்வதற்கில்லை என்றார்.