நாட்டையே கலக்கும் கண்ணடிப்பு காட்சி உருவானது எப்படி? - மனம் திறந்த 'புருவ புயல்' பிரியா

By Veera Kumar

Published: Wednesday, February 14, 2018, 12:38 [IST]

வைரல் பிரியா

கே: வைரல் பிரியா என்ற அடைமொழியை எதிர்பார்த்தீர்களா?

ப: நான் நினைத்துக்கூட பார்க்கவில்லை. இவ்வளவு பெரிய அளவுக்கு வீடியோ பேசப்படும் என நினைக்கவில்லை. அந்த பாடல் காட்சி நல்லா வந்தது என்று மட்டுமே தெரியும். இவ்வளவு பெரிய வெற்றியை எதிர்பார்க்கவில்லை.

தேசிய க்ரஷ்

கே: தேசிய அளவிலான க்ரஷ்ஷாக மாறியுள்ளீர்களே?

ப: தற்போது நான் ரொம்பவே ஹேப்பியாக உள்ளேன். இது எனக்கு மிகுந்த ஆர்வத்தை ஏற்படுத்தியுள்ளது. பலரும் காதலில் விழுந்துள்ளதாக கூறியுள்ளது மகிழ்ச்சியாக உள்ளது.

படமாக்கப்பட்டது எப்படி

கே: ரசிகர்களை பெரிதும் ஈர்க்கும் உங்கள் கண் அடிப்பு காட்சி படமாக்கப்பட்டது எப்படி?

ப: ஹீரோவுக்கும் எனக்கும் நடுவேயான காட்சியில், ஏதாவது க்யூட்டாக இருக்க வேண்டும் என்று இயக்குநர் விரும்பினார். எனவே கண் அடிப்பது, புருவத்தை தூக்கி காட்டுவது செய்ய சொன்னார். நாங்கள் செய்தோம்.

கே: பலரும் தங்கள் பள்ளி பருவத்து காதலை நினைவுபடுத்துவதாக கூறினர். உங்களுக்கு நினைவுக்கு வந்ததா?

ப: நான் மகளிர் கல்லூரியில் படித்து வருகிறோம். எனவே எனது பள்ளி காலத்து நினைவுகள் நினைவுக்கு வருகின்றன.

பயங்கர வரவேற்பு

கே: பாடல் முன்னோட்டத்திற்கு யூடியூப்பில், இதுவரை 4.3 மில்லியன் வியூஸ் கிடைத்துள்ளது. இன்ஸ்ட்ராகிராம் உள்ளிட்ட அனைத்து சோஷியல் தளங்களிலும் ஃபாலோவர்கள் அதிகரித்துள்ளனர், எப்படி உணருகிறீர்கள்?

ப: எனக்கு எப்படி நடந்துத என்றே தெரியவில்லை. இதனால் பதற்றமாக உள்ளேன். திரைப்படம் ரிலீஸ் ஆகும்போது அவர்கள் எதிர்பார்ப்பை பூர்த்தி செய்வேன் என்று எதிர்பார்க்கிறேன். இவ்வாறு அவர் தெரிவித்தார்.