எஸ்.ஐ.யை சரமாரியாக அடித்து வெளுத்த பாஜக கவுன்சிலர்.. அதிர்ந்து போன மீரட்!
Recommended Video
மீரட்: உத்தரப் பிரதேச மாநிலம் மீரட்டில் பாஜக கவுன்சிலர் ஒருவர் சப் இன்ஸ்பெக்டர் ஒருவரை சரமாரியாக அடித்து உதைத்த காட்சி பெரும் பரபரப்பை ஏற்படுத்தியுள்ளது. அந்த பாஜக கவுன்சிலர் தற்போது கைது செய்யப்பட்டுள்ளார்.
மீரட்டைச் சேர்ந்தவர் முனீஷ் குமார். லோக்கல் கவுன்சிலர், பாஜகவைச் சேர்ந்தவர். இவருக்குச் சொந்தமாக ஒரு ஹோட்டல் உள்ளது. அந்த ஹோட்டலுக்கு சப் இன்ஸ்பெக்டர் ஒருவர் பெண் வக்கீலுடன் வந்துள்ளார். வந்த இடத்தில் வெயிட்டருக்கும் வக்கீலுக்கும் இடையே வாக்குவாதம் ஏற்பட்டுள்ளது.
இதைப் பார்த்து விரைந்து வந்த பாஜக கவுன்சிலர் சப் இன்ஸ்பெக்டரை சரமாரியாக அடிக்க ஆரம்பித்தார். இதைப் பார்த்து அங்கிருந்தோர் அதிர்ந்து நின்றனர். ஒரு கட்டத்தில் முனீஷ் அடித்த அடியைத் தாங்க முடியாமல் சப் இன்ஸ்பெக்டர் கீழே விழுந்து விட்டார்.
இதைப் பார்த்த அந்தப் பெண் வக்கீல் டேபிளில் இருந்த பொருட்களை எல்லாம் எடுத்து வெயிட்டர் மீது வீசி எறிந்தார். இதனால் மேலும் பரபரப்பாகியது. இந்த சம்பவத்தின் வீடியோ காட்சி தற்போது வைரலாகியுள்ளது. விவகாரம் காவல் நிலையம் வரை போய் தற்போது கவுன்சிலர் முனீஷ் கைது செய்யப்பட்டுள்ளார்.
#WATCH: BJP Councillor Manish thrashes a Sub-Inspector who came to his (Manish's) hotel with a lady lawyer and got into an argument with a waiter. The councillor has been arrested. (19.10.18) (Note- Strong Language) pic.twitter.com/aouSxyztSa
— ANI UP (@ANINewsUP) October 20, 2018
ஹோட்டல் என்றால் முன்பெல்லாம் சாப்பாடுதான் அதிரடியாக இருக்கும்.. இப்பெல்லாம் ஒரே அடிதடிதான்.. சென்னை டூ மீரட் எல்லாம் ஒரே கதைதான் போல!