பாஜக எம்.பி ஹகும் சிங் உடல்நலக்குறைவால் காலமானார்

உத்தரப்பிரதேசத்தை சேர்ந்த பாஜக மக்களவை எம்.பி ஹகும் சிங் உடல்நலக்குறைவால் காலமானார்.

By Shyamsundar

Published: Sunday, February 4, 2018, 8:31 [IST]

லக்னோ: உத்தரப்பிரதேசத்தை சேர்ந்த பாஜக மக்களவை எம்.பி ஹகும் சிங் உடல்நலக்குறைவால் காலமானார்.

இவர் உபியில் இருக்கும் கைரானா என்ற பகுதியில் 1938-ம் ஆண்டு பிறந்தவர். இவர் காங்கிரஸ் கட்சியில் தீவிரமாக பணியாற்றி வந்தவர். 1974-ம் காங்கிரஸ் கட்சி எம்.எல்.ஏ.வாக தேர்ந்தெடுக்கப்பட்டார்.

1996-ம் ஆண்டு இவர் பா.ஜ.க.வுக்கு மாறினார். பின் மீண்டும் அந்த கட்சிக்காக அதே தொகுதியில் எம்.எல்.ஏ.வாக போட்டியிட்டு வெற்றி பெற்றார்.

கடந்த பாராளுமன்ற தேர்தலில் கைரானா தொகுதியில் பாஜக சார்பாக போட்டியிட்டார். இதில் வெற்றிபெற்று மக்களவைக்கு தேர்ந்தெடுக்கப்பட்டார்.

கடந்த சில நாட்களாக உடல்நிலை சரியில்லாத இவர் மருத்துவமனையில் அனுமதிக்கப்பட்டு இருந்தார். லக்னோவில் உள்ள தனியார் மருத்துவமனையில் தீவிர சிகிச்சை பெற்றுவந்தார்.

இந்த நிலையில் இவர் நேற்று நள்ளிரவு மரணம் அடைந்தார். அவருக்கு அளிக்கப்பட்டு வந்த சிகிச்சை பலனின்றி உயிரிழந்தார்.