திரிபுரா உள்ளாட்சித் தேர்தல்: பாஜக அமோக வெற்றி!
அகர்தலா: திரிபுராவில் நடைபெற்ற உள்ளாட்சித் தேர்தல்களில் பெரும்பான்மையான இடங்களை ஆளும் பாஜக கைப்பற்றி அமோக வெற்றியைப் பெற்றுள்ளது.
திரிபுராவில் 3 அடுக்கு முறை உள்ளாட்சி அமைப்புகள் உள்ளன. இந்த உள்ளாட்சி அமைப்புகளுக்கான தேர்தல்கள் ஜூலை 27-ல் நடைபெற்று நேற்று முடிவுகள் அறிவிக்கப்பட்டன.
உள்ளாட்சி தேர்தல்களில் 85% இடங்களில் பாஜக வேட்பாளர்கள் போட்டியின்றி தேர்வு செய்யப்பட்டனர். 15% இடங்களுக்குத்தான் தேர்தல் நடைபெற்றது. மொத்தம் 833 கிராம பஞ்சாயத்துகள், 82 பஞ்சாயத்து சமிதிகள், 79 ஜில்லா பரிசத் இடங்களுக்கு தேர்தல் நடைபெற்றது.
833 கிராம பஞ்சாயத்து இடங்களில் பாஜக 638, சிபிஎம் 22, காங்கிரஸ் 158 இடங்களில் வென்றன. திரிபுரா பழங்குடி இன மக்கள் கட்சி 6 இடங்களில் வென்றுள்ளது.
சேலம் உருக்காலையை தனியாருக்கு விற்பதற்கான டெண்டர்.. மேலும் 20 நாள்களுக்கு நீட்டிப்பு
பஞ்சாயத்து சமிதிகளில் பாஜக 74 இடங்களிலும் சிபிஎம் ஒரே ஒரு இடத்திலும் காங்கிரஸ் 6 இடங்களிலும் வென்றுள்ளன. ஜில்லா பரிசத்தில், பாஜக 77 இடங்களைக் கைப்பற்றியது. காங்கிரஸ் 2 இடங்களிதான் வென்றது.
கிராம பஞ்சாயத்துகளில் மொத்தம் 6,646 இடங்களில் பாஜக 5,652 இடங்களைக் கைப்பற்றியுள்ளதாக தேர்தல் அதிகாரிகள் தெரிவித்துள்ளனர். இத்தேர்தலில் மொத்தம் 76.63% வாக்குகள் பதிவாகி இருந்தன.