குஜராத்தில் பாஜக ஆட்சி அமையும்.. ஆனால்.. இந்தியா டிவி போல் முடிவுகளில் சுவாரசியம்

டெல்லி: குஜராத்தில் பாஜக ஆட்சியை பிடிக்கும் என்று இந்தியா டிவி போல் தெரிவிக்கிறது. ஆனால், பாஜகவின் வாக்கு சதவீதம் குறைந்து வருவதை கருத்து கணிப்பு எடுத்துக் காட்டுகிறது.

குஜராத் சட்டசபைக்கு வரும் 9 மற்றும் 14ம் தேதிகளில் 2 கட்டங்களாக தேர்தல் நடைபெற உள்ளது. ஆளும் பாஜக மற்றும் காங்கிரஸ் நடுவே நேரடி போட்டி இங்கு நிலவுகிறது.

இந்த நிலையில், இந்தியா டிவியும் விஎம்ஆர் அமைப்பும் இணைந்து குஜராத்தில் நடத்தியுள்ள கருத்துக் கணிப்பு முடிவுகள் இன்று இரவு வெளியாகின.

வடக்கே வாய்ப்பு

அதில் கூறப்பட்டுள்ள முக்கிய அம்சங்கள் இவைதான்: வடக்கு குஜராத்திலுள்ள 53 தொகுதிகளில், பாஜகவுக்கு 45 சதவீதம் வாக்குகள் கிடைக்க வாய்ப்புள்ளது. கடந்த 2012 சட்டசபை தேர்தலில் பாஜகவுக்கு இங்கு் 50 சதவீத வாக்குகள் கிடைத்தன.

காங்கிரஸ் வாக்கு சதவீதம் ஏற்றம்

கடந்த தேர்தலில் காங்கிரசுக்கு இப்பிராந்தியத்தில் 40 சதவீத வாக்கு சதவீதம் இருந்த நிலையில் அது தற்போது 42 சதவீதமாக சிறு ஏற்றம் கண்டுள்ளது. பிறர் 13 சதவீத வாக்குகளை பெற வாய்ப்புள்ளதாம்.

மொத்த சீட்டுகள்

சீட்டுகளை பொறுத்தளவில் வடக்கு குஜராத்தில் பாஜக 30-34 தொகுதிகளை கைப்பற்ற வாய்ப்புள்ளது. காங்கிரசுக்கு 18-22 தொகுதிகள் கிடைக்கலாம். பிறர் 2 தொகுதிகள் வரை கைப்பற்ற வாய்ப்புள்ளது. கடந்த தேர்தலில் பாஜக இங்கு 32 தொகுதிகளையும், காங்கிரஸ் 21 தொகுதிகளையும் வென்றிருந்தது.

தெற்கிலும் பாஜக ஆதிக்கம்

அதேபோல தெற்கு குஜராத்தில் பாஜக 23 முதல் 27 தொகுதிகளையும், காங்கிரஸ் 6-10 தொகுதிகளையும், பிறர் 1-3 தொகுதிகளையும் வெல்ல வாய்ப்புள்ளது. கடந்த தேர்தலில் பாஜக இங்கு 28 தொகுதிகளை கைப்பற்றியது. காங்கிரசுக்கு 6 தொகுதிகள் கிடைத்தன.

வாக்கு வங்கி

பாஜகவுக்கு தெற்கு குஜராத்தில் இம்முறை 46 சதவீதம் வாக்குகள் கிடைக்கலாம். கடந்த தேர்தலில் அங்கு 52 சதவீத வாக்குகள் கிடைத்தன. காங்கிரஸ் கடந்த முறை 37 சதவீத வாக்குகளை பெற்ற நிலையில், இம்முறை 39 சதவீத வாக்குகளை பெற வாய்ப்புல்ளது. பிறர் 15 சதவீத வாக்குகளை வைத்துள்ளனராம்.

சவுராஷ்டிரா நிலைமை

சவுராஸ்டிராவில் பாஜகவுக்கு 27-31 தொகுதிகளும், காங்கிரசுக்கு 23-27 தொகுதிகளும் கிடைக்க வாய்ப்புள்ளதாம். கட்ச் மண்டத்தில், பாஜகவுக்கு 27 முதல் 31 தொகுதிகளும், காங்கிரசுக்கு 23-27 தொகுதிகளும் கிடைக்க வாய்ப்புள்ளதாம்.

English summary

India TV-VMR Opinion Poll is out, which says BJP will win at Gujarat north and south districts.