சிபிஎஸ்இ 10-ம் வகுப்பு தேர்வு முடிவுகள் இன்று வெளியீடு: எந்தெந்த இணையதளங்களில் பார்க்கலாம்?
டெல்லி: சிபிஎஸ்இ 10-ம் வகுப்பு பொதுத் தேர்வு முடிவுகள் இன்று வெளியிடப்படுகின்றன. இந்த முடிவுகளை www.cbseresults.nic.in மற்றும் www.cbse.nic.in ஆகிய இணையதளங்களில் பார்க்கலாம்.
மத்திய இடைநிலை கல்வி வாரியத்தின் (சிபிஎஸ்இ) 10-ம் வகுப்பு பொதுத்தேர்வுகள் கடந்த மார்ச் 1-ம் தேதியன்று துவங்கி மார்ச் 28-ம் தேதி வரை நடைபெற்றது. நாடு முழுவதும் சுமார் 15 லட்சம் பேர் இந்த தேர்வை எழுதினர்.
தமிழகம், ஆந்திரம், கேரளம், கர்நாடகம், மகாராஷ்டிரம், கோவா, புதுச்சேரி, அந்தமான் நிகோபார் தீவுகள், டாமன்- டையூ ஆகிய மாநிலங்கள் மற்றும் யூனியன் பிர தேசங்களை உள்ளடக்கிய சிபிஎஸ்இ சென்னை மண்டலத்தில் 10-ம் வகுப்பு தேர்வில் ஒரு லட்சத்து 62 ஆயிரம் பேர் எழுதினர். இந்த தேர்வு முடிவுகள் இன்று பிற்பகல் 2 மணிக்கு மேல் வெளியிடப்படவுள்ளன.
தேர்வு முடிவுகளை அந்தந்த பள்ளிகளின் இ-மெயில் முகவரிக்கும் அனுப்பி வைக்கவும் ஏற்பாடு செய்யப்பட்டுள்ளன. மேலும், தேர்வு முடிவுகளை www.cbseresults.nic.in மற்றும் www.cbse.nic.in ஆகிய இணையதளத்திலும் தெரிந்து கொள்ளலாம்.