காங்கிரஸ்- பாஜக அல்லாத 3-வது அணி: மமதா பானர்ஜியை சந்தித்தார் சந்திரசேகர் ராவ்
3வது அணி தொடர்பாக மமதாவை நேரில் சந்தித்து ஆலோசனை நடத்துகிறார் சந்திரசேகர் ராவ்.
கொல்கத்தா: பாஜக, காங்கிரஸ் அல்லாத 3-வது அணியை உருவாக்குவது தொடர்பாக மேற்கு வங்க முதல்வர் மமதா பானர்ஜியை தெலுங்கானா முதல்வர் சந்திரசேகர் ராவ் இன்று சந்தித்து ஆலோசனை நடத்தினார்.
மத்தியில் ஆளும் பாஜக இடைத் தேர்தல்களில் தோல்வியைத் தழுவி வருகிறது. காங்கிரஸ் கட்சியோ தமது இருப்பை இழந்து வருகிறது.
இந்த நிலையில்தான் பாஜக, காங்கிரஸ் அல்லாத 3-வது அணியை உருவாக்க வேண்டும் என தெலுங்கானா ராஷ்டிரிய சமிதி தலைவரும் தெலுங்கானா முதல்வருமான சந்திரசேகர் ராவ் அழைப்பு விடுத்தார். இதற்கு மேற்கு வங்க முதல்வர் மமதா உள்ளிட்ட பலரும் ஆதரவு தெரிவித்தனர்.
திமுக செயல் தலைவர் ஸ்டாலினுடன் மமதா பானர்ஜி தொலைபேசியில் ஆலோசனை நடத்தினார். இதனிடையே 3-வது அணி குறித்து ஆலோசனை நடத்த இன்று கொல்கத்தா சென்றார் சந்திரசேகர் ராவ்.
கொல்கத்தாவில் மமதா பானர்ஜியை நேரில் சந்தித்து 3-வது அணி குறித்து ஆலோசனை நடத்தினார் சந்திரசேகர் ராவ்.