For Quick Alerts
ALLOW NOTIFICATIONS  
For Daily Alerts
Oneindia App Download

ஜூலை 22-ம் தேதி பிற்பகல் 2.43 மணிக்கு சந்திராயன் 2 விண்ணில் ஏவப்படும்.. இஸ்ரோ அறிவிப்பு

Google Oneindia Tamil News

ஸ்ரீஹரிகோட்டா: சந்திராயன் 2 விண்கலம் வரும் ஜூலை 22-ம் தேதி விண்ணில் ஏவப்படும் என்று இஸ்ரோ அறிவித்துள்ளது. கடந்த 15-ம் தேதி திட்டமிட்டப்படி சந்திராயன் 2 விண்கலத்தை விண்ணில் ஏவ தயாரான போது, கடைசி நேரத்தில் தொழில்நுட்ப கோளாறு ஏற்பட்டது.

இதன் காரணமாக கவுண்டவுன் பாதியிலேயே நிறுத்தப்பட்டு, சந்திராயன் 2 விண்ணில் செலுத்துவது ரத்து செய்யப்பட்டது. இந்நிலையில் வரும் 22-ம் தேதி பிற்பகல் 2.43 மணிக்கு சந்திராயன் 2 விண்ணில் பாயும் என இஸ்ரோ கூறியுள்ளது.

Chandrayaan 2 will be launched on July 22 at 2.43 pm. ISRO announcement

நிலவை ஆராய சந்திரயான் என்ற பெயரில் விண்வெளி திட்டங்கள் இந்தியாவில் செயல்படுத்தப்பட்டு வருகின்றன. ரஷ்யாவின் உதவியோடு இந்த திட்டங்கள் செயல்படுத்தப்பட்டு வருகின்றன.

இதன்படி, சந்திரயான் -1 திட்டத்தின் கீழ், ஒரு செயற்கைக்கோள் செலுத்தப்பட்டது. இதில் இந்தியா மட்டுமன்றி வெளிநாடுகள் சார்பிலான கருவிகளும் இடம் பெற்றன. அதன் மூலமாக, ஏராளமான தகவல்களை பெற முடிந்தது.

இந்நிலையில் எந்த நாடுமே இதுவரை கால்பதிக்காத நிலவின் தென்துருவத்தை ஆராய்ச்சி செய்ய இஸ்ரோ சந்திராயன் 2 விண்கலத்தை தயார் செய்தது. நிலவின் மேற்பரப்பு மற்றும் மேற்பரப்பிற்கு அடியில், நிலவின் வெளிப்புறத்தில் தண்ணீர் மூலக்கூறுகளின் விநியோக அளவு ஆகியவற்றை கண்டறிய செய்வதற்காக சந்திரயான்-2 உருவாக்கப்பட்டது.

நிலவின் தென்துருவத்தில் சந்திராயன் 2 விண்கலத்தை இறக்கி, வரலாற்று சாதனை படைப்பதற்கான முயற்சியில் ஈடுபட்டது இஸ்ரோ. சந்திராயன் 2 விண்கலத்தை ஏவுவதற்காக கடந்த 14-ம் தேதி காலை 20 மணி நேர கவுண்டவுன் துவங்கியது.

தொடர்ந்து கடந்த 15-ம் தேதி அதிகாலை 2.51 மணிக்கு ஸ்ரீஹரிகோட்டாவில் உள்ள சதீஷ் தவான் விண்வெளி ஏவுதளத்திலிருந்து சந்திரயான் 2, விண்ணில் செலுத்தப்பட இருந்தது.

ஆனால் ராக்கெட்டின் கிரையோஜெனிக் நிலையில் கடைசி நேரத்தில் ஏற்பட்ட தொழில்நுட்ப கோளாறு காரணமாக, சந்திராயன் 2 விண்கலத்தை ஏவ சரியாக 56 நிமிடங்கள் 24 நொடிகள் இருக்கும் போது, கவுண்டவுன் திடீரென நிறுத்தப்பட்டது. பின்னர் சந்திராயன் 2 ஏவுவது தள்ளி வைக்கப்படுவதாக அறிவித்தது இஸ்ரோ.

இந்நிலையில் வரும் 22-ம் தேதி பிற்பகல் 2.43 மணிக்கு சந்திராயன் 2 விண்ணில் பாயும் என இஸ்ரோ அறிவித்துள்ளது குறிப்பிடத்தக்கது.

English summary
ISRO has announced that the Chandrayaan 2 will be launched on July 22.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X