சென்னை சில்க்ஸ் போல சித்தூரில் எரிந்த ஜவுளிக்கடை - பல கோடி துணிகள் நாசம்: வீடியோ
சென்னை சில்கஸ் கட்டிடத்தில் தீ விபத்து ஏற்பட்டது போல ஆந்திர மாநிலம் சித்தூரில் தீ விபத்து ஏற்பட்டு பல கோடி மதிப்புள்ள துணிகள், பொருட்கள் எரிந்து சாம்பலானது.
சித்தூர்: சித்தூரில் அடுக்குமாடு துணிக்கடையின் முதல் மாடியில் பற்றிய தீ ஐந்து மாடிகளுக்கும் பற்றி எரிந்ததில் பல கோடி ரூபாய் மதிப்புள்ள துணிகள், பொருட்கள் எரிந்து நாசமாகியுள்ளன.
ஆந்திர மாநிலம் சித்தூரில் ஐந்து மாடிகொண்ட ஒரு தனியார் துணிக்கடையில் இன்று காலையில் தீ விபத்து ஏற்பட்டது. மின்கசிவு காரணமாக முதல் மாடியில் பற்றிய தீ மளமளவென பற்றி ஐந்து மாடிகளுக்கும் பரவியுள்ளது.
அதனையடுத்து அங்கு விரைந்து வந்த தீயணைப்பு துறை வீரர்கள் துணிக்கடையின் முதல் பகுதி சுவரை இடித்து தண்ணீர் பீய்ச்சி அடித்து தீயை கட்டுக்குள் கொண்டு வந்தனர். இதனால் அப்பகுதிதில் பரபரப்பு ஏற்பட்டது. மேலும், போலீசார் வழக்கு பதிவு செய்து விசாரணை மேற்கொண்டு வருகின்றனர்.
Recommended Video
கடந்த சில மாதங்களுக்கு முன்பு, சென்னையில் உள்ள சென்னை சில்க்ஸ் அடுக்குமாடிக் கட்டிடத்திலும் இதுபோல தீப்பற்றி எரிந்து கட்டிடம் இடித்து தரைமட்டமாக்கப்பட்டது நினைவிருக்கலாம்.