இருநாட்டு உறவை புதிய உயரத்துக்கு எடுத்து சொல்வோம்- ட்ரம்புக்கு மோடி ட்விட்டரில் வாழ்த்து!
அமெரிக்க அதிபர் தேர்தலில் வென்றுள்ள டொனால்ட் ட்ரம்புக்கு மோடி வாழ்த்து தெரிவித்துள்ளார்.
டெல்லி: அமெரிக்க அதிபர் தேர்தலில் வென்று 45-வது அதிபராகி உள்ள டொனால்ட் ட்ரம்புக்கு பிரதமர் மோடி வாழ்த்து தெரிவித்துள்ளார்.
அமெரிக்க அதிபர் தேர்தலில் குடியரசு கட்சியின் டொனால்ட் ட்ரம்ப், ஜனநாயகக் கட்சியின் ஹிலரி க்ளிண்டன் மோதினர். இந்த தேர்தலில் ட்ரம்ப் அபார வெற்றி அமெரிக்காவின் 45-வது அதிபராக தேர்வாகியுள்ளார்.
இதையடுத்து ட்ரம்பின் ஆதரவாளர்கள் அமெரிக்காவில் கொண்டாட்டத்தில் ஈடுபட்டுள்ளனர். இதனிடையே தம்முடைய ட்விட்டர் பக்கத்தில் பிரதமர் மோடி, ட்ரம்புக்கு வாழ்த்து தெரிவித்துள்ளார்.
Congratulations @realDonaldTrump on being elected as the 45th US President.
— Narendra Modi (@narendramodi) November 9, 2016
அதில், பிரசாரத்தின் போது இந்தியாவுடன் நட்பு பாரட்டியிருந்தமைக்கு நன்றி. தங்களுடன் நெருக்கமாக பணியாற்ற இந்தியா விரும்புகிறது. இருநாட்டு உறவுகளும் புதிய உயரத்துக்கு எடுத்துச் செல்வோம் என மோடி குறிப்பிட்டுள்ளார்.