• search
For Quick Alerts
ALLOW NOTIFICATIONS  
For Daily Alerts

ரூபாய் நோட்டுகள்... மோடியின் சர்ஜிகல் அட்டாக்கில் பலியான அந்த 55 அப்பாவிகள் இவர்கள்தான்!

By Mathi
|

டெல்லி: செல்லாத ரூபாய் நோட்டுகளை மாற்றப் போய் நெரிசலில் சிக்கியும் அய்யோ சேர்த்து வைத்த எல்லா பணமும் போயிவிட்டதே என தற்கொலை செய்து கொண்டும் மாண்டுபோனவர்களின் உறுதியான எண்ணிக்கை தற்போது 55 ஆக அதிகரித்துள்ளது. இந்த விவகாரத்தில் இன்னமும் பதிவு செய்யப்படாத மரணங்கள் நிச்சயம் கூடுதலாகத்தான் இருக்கும்.

நவம்பர் 8-ந் தேதியன்று இரவு 500, 1000 ரூபாய் நோட்டுகள் செல்லாது என அறிவித்த பிரதமர், ஊழல்வாதிகள் இனி உறக்கத்தை தொலைத்துவிடுவர் என்றார்... ஆனால் நடைமுறை யதார்த்தமோ இந்த தேசத்தின் அடித்தட்டு மக்கள்தான் கடந்த 10 நாட்களாக தூக்கத்தைத் தொலைத்துவிட்டு துக்கங்களுடன் நடுத்தெருவில் ரூ500, ரூ1,000 மாற்ற நிற்கின்றனர்.

இந்த ஒட்டுமொத்த நாட்டையே நடுவீதியில் நிறுத்திய இந்த நாசகார நடவடிக்கைக்கான வக்காலத்துகள் அதிகம்... எந்த ஒரு முன்கூட்டியான யோசனையும் திட்டமும் இல்லாமல் நாடும் நாட்டு மக்களும் நாசகாமப் போகட்டும் என முடிவெடுத்து நாள்தோறும் பீதியை ஏற்படுத்தும் அறிவிப்புகளை வெளியிட்டு வருகிறார்கள்... இந்த புளியைக் கரைக்கும் பூச்சாண்டி வேலைகள் எத்தனை நாள் தொடருமோ?

இந்த திட்டமிட்டாத மத்திய பாஜக அரசின் நடவடிக்கையால் இதுவரை நெரிசலில் சிக்கியும் விரக்தியில் தற்கொலை செய்துகொண்டும் உயிரிழந்தவர்கள் எண்ணிக்கை 55. இது உறுதிப்படுத்தப்பட்ட மரணங்கள்.. இன்னமும் பதிவு செய்யப்பட்டாத மரணங்கள் எத்தனையோ?

1. 12 லட்சம் ரூபாய் செல்லாத நோட்டுகளை மாற்ற முடியாத விரக்தியில் டெல்லியைச் சேர்ந்த 25 வயது வீரேந்தர பசோயா என்ற தொழிலதிபர் வீட்டு ஃபேனில் தூக்கிட்டுத் தற்கொலை செய்து கொண்டார். (http://indianexpress.com/article/india/india-news-india/delhi-unable-to-exchange-notes-man-commits-suicide-4381382)

2. ஆந்திராவின் சித்தூரில் செல்லாத ரூபாய் நோட்டுகளை மாற்ற வங்கி கியூவில் நின்று கொண்டிருந்த 70 வயது ரத்னா பிள்ளை அப்படியே அங்கேயே செத்து மடிந்தார். (http://www.thehindu.com/todays-paper/70yrold-waiting-for-cash-exchange-dies-in-chittoor/article9354717.ece)

3. ஹரியானாவின் ரோதக் மாவட்டத்தில் 3 நாட்கள் இரவும் பகலுமாக பணிபுரிந்த 56 வயது வங்கி மேலாளர் ராஜேஷ் குமார் அலுவலகத்திலேயே பிணமாக கிடந்தார். (http://www.hindustantimes.com/india-news/bank-manager-in-rohtak-dies-in-office-after-spending-three-days-at-work/story-aaMsJOC53e9PkUm84LfnSO.html)

4. உத்தரப்பிரதேசத்தின் ஆசம்காரில் வங்கியில் கியூவில் நின்று கொண்டிருந்த நிலையில் 70 வயது ஐஸ்டேயக் அகமது என்ற முதியவர் மாண்டு போனார். (http://timesofindia.indiatimes.com/city/varanasi/Man-dies-standing-in-bank-queue/articleshow/55468384.cms)

5. வங்கியில் போட்டிருந்த பணத்தை மகளின் திருமணத்துக்காக எடுக்க முடியா விரக்தியில் மாரடைப்பால் செத்து போனார் ராஜஸ்தான் மாநிலத்தின் சிகார் மாவட்டத்தைச் சேர்ந்த 62 வயது டீ விற்பனையாளர் ஜெகதீஷ் பன்வார். (http://indianexpress.com/article/india/india-news-india/demonetisation-no-money-sikar-days-before-daughters-wedding-tea-seller-dies-4381034/)

6. செல்லாத ரூபாய் நோட்டுகளை லோன் வாங்கிய பைனான்சியரிடம் கொடுத்தார் தெலுங்கானாவின் நிஜாமாபாத்தின் 35 வயது ஆட்டோ ஓட்டுநர் ஷேக் பஷீர். ஆனால் செல்லாத ரூபாய் நோட்டுகளை பைனான்சியர் வாங்க மறுத்தார். இந்த விரக்தியில் தீக்குளித்து இறந்து போனார் ஷேக் பஷீர். (http://www.ndtv.com/hyderabad-news/auto-driver-kills-himself-after-financer-declines-old-notes-in-hyderabad-1625898)

7. உ.பி.யின் மீரட் நகரில் வங்கி வாசலில் கியூவில் நின்றபடியே உயிரிழந்தார் முகமது ஷாக்சத். (http://www.thehindu.com/news/national/other-states/second-death-in-bank-queue-in-meerut/article9357820.ece)

8. ம.பி.யின் பிந்த் மாவட்டத்தில் ரூ12,000 பணத்தை மாற்ற செல்லும் போது வங்கியில் இருந்து 100 மீட்டர் தொலைவில் நடுவழியில் உயிரிழந்தார் முன்னாள் ராணுவ வீரர் பாபுலால் வால்மீகி. (http://www.theweekendleader.com/Headlines/8408/ex-armyman-dies-on-his-way-to-exchange-money-in-mp.html)

9. ஜார்க்கண்ட் மாநிலத்தில் பாலமு மாவட்டத்தில் ராம் சந்திர பாஸ்வான் என்ற அரசு ஊழியர் வங்கியில் நீண்ட வரிசையில் நின்றபடியே உயிரிழந்தார். (http://indianexpress.com/article/india/india-news-india/demonetisation-rs-500-1000-ban-jharkhand-elderly-man-collapses-in-queue-dies-4379606/)

10. உ.பி.யில் பல்லியாவில் சுரேஷ் சோனார் பணத்தை மாற்ற முடியாத மன அழுத்தத்தில் உயிரிழந்து போனார். (http://www.deccanchronicle.com/nation/current-affairs/161116/demonetisation-bride-to-bes-father-dies-of-heart-attack-in-uttar-pradesh.html)

11. மகாராஷ்டிராவின் புனேவில் மக்கள் கூட்டத்தை 12 மணிநேரம் தொடர்ந்து கட்டுப்படுத்திக் கொண்டிருந்த வங்கி பியூன் துகாராம் தன்புர் அங்கேயே உயிரிழந்தார். (http://www.hindustantimes.com/mumbai-news/demonetisation-stressed-bank-employee-tired-customer-die-in-maharashtra/story-Br9xXBf0M5aZQjmfO0NO3O.html)

12. மகாராஷ்டிராவின் நாண்டெட் மாவட்டத்தில் வங்கி வரிசையில் நின்று கொண்டிருந்த 60 வயது திகம்பர் கஸ்பே உயிரிழந்தார். (http://www.hindustantimes.com/mumbai-news/demonetisation-stressed-bank-employee-tired-customer-die-in-maharashtra/story-Br9xXBf0M5aZQjmfO0NO3O.html)

13.. செல்லாத ரூபாய் நோட்டு மாற்றத்தால் வேலை இழந்த விரக்தியில் ஜார்க்கண்ட்டின் பொகாரோ மாவட்டத்தில் லாவ்குஷ் என்ற 20 வயது இளைஞர் பலியானார். (http://www.news18.com/news/india/cash-crunch-long-queues-claim-three-lives-in-jharkhand-1312539.html )

14. வேலை கிடைக்காத விரக்தியில் செத்து போன ஜார்க்கண்ட்டின் லாவ்குஷ்-ன் பாட்டி லக்ஷ்மியும் பேரனின் மரண செய்தி கேட்டு மாண்டுபோனார். (http://www.news18.com/news/india/cash-crunch-long-queues-claim-three-lives-in-jharkhand-1312539.html)

15. தெலுங்கானாவின் சித்திபேட் மாவட்டத்தில் செல்லாத ரூபாய் நோட்டு அறிவிப்பால் விற்க திட்டமிட்டிருந்த நிலத்தின் மதிப்பு படுமோசமாக குறைந்த விரக்தியில் சாப்பாட்டில் விஷத்தை கலந்து சாப்பிட்டு தற்கொலை செய்து கொண்டார்.(http://www.firstpost.com/india/demonetisation-after-poisoning-kin-farmer-commits-suicide-with-father-in-telangana-3108840.html)

(தொடரும்)

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
According to the National and Regional Media reports death toll rose to 55 after the demonetisation announcement. Here the details of Media reports links.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more