ஹரியானாவில் விஸ்வரூபம் எடுக்கும் பாஜக.. மொத்தமாக ஒடுங்கும் காங்கிரஸ்.. டைம்ஸ் நவ் எக்சிட் போல்!

ஹரியானா மாநில சட்டசபை தேர்தலில் பாஜக கூட்டணி 71 இடங்களில் வெற்றிபெற்று ஆட்சி அமைக்கும் என்று டைம்ஸ் நவ் தொலைக்காட்சியின் தேர்தலுக்கு பிந்தைய கருத்து கணிப்புகள் தெரிவிக்கிறது.

சண்டிகர்: ஹரியானா மாநில சட்டசபை தேர்தலில் பாஜக கூட்டணி 71 இடங்களில் வெற்றிபெற்று ஆட்சி அமைக்கும் என்று டைம்ஸ் நவ் தொலைக்காட்சியின் தேர்தலுக்கு பிந்தைய கருத்து கணிப்புகள் தெரிவிக்கிறது.

இரண்டு மாநில சட்டசபை தேர்தல் மற்றும் 51 சட்டசபை தொகுதிகளுக்கான இடைத்தேர்தல் இன்று நடந்தது. இதில் ஹரியானா மாநில சட்டசபை தேர்தல் அதிக கவனம் ஈர்க்கிறது.

ஹரியானாவில் மொத்தம் 90 சட்டசபை தொகுதிகள் இருக்கிறது. இங்கு பாஜகதான் ஆட்சி நடத்தி வருகிறது. இங்கு பாஜக மற்றும் காங்கிரஸ் கட்சி இடையேதான் பிரதான போட்டியாகும். 7 மணிக்கு தொடங்கும் தேர்தல் மாலை 6 மணிக்கு முடிந்தது.

இதையடுத்து ஹரியானா தேர்தல் தொடர்பான தேர்தலுக்கு பிந்தைய கருத்து கணிப்புகள் வெளியாகி வருகிறது. டைம்ஸ் நவ் செய்தி நிறுவனம் தேர்தலுக்கு பிந்தைய கருத்து கணிப்பை தற்போது வெளியிட்டுள்ளது.

அதில், ஹரியானாவில் பாஜக கூட்டணி 71 இடங்களில் வெற்றிபெற்று மீண்டும் ஆட்சி அமைக்கும். 11 இடங்களில் மட்டும் காங்கிரஸ் கூட்டணி வெற்றிபெறும். 8 இடங்களில் மற்ற பகுஜன் சமாஜ் போன்ற கட்சிகள் வெற்றிபெறும்.

இதன் மூலம் மீண்டும் 2014 போலவே பாஜக பெரும்பான்மையுடன் ஹரியானாவில் ஆட்சி அமைக்கும் என்று கருத்து கணிப்பில் தெரிவிக்கப்பட்டுள்ளது.

English summary

Exit Poll 2019: BJP will win with a huge majority in Haryana again says Times Now.