குண்டு பெண்ணை ஜிம்முக்கு போகச் சொன்ன துணி கடைக்காரர்: கொந்தளித்த ஆன்லைன்வாசிகள்

மும்பை: மும்பையைச் சேர்ந்த பெண் ஒருவர் கல்கி ஃபேஷன்ஸ் கடைக்கு சென்று தனக்கு ஏற்ற உடை கேட்டதற்கு குண்டாக இருக்கும் அவரை ஜிம்முக்கு போகுமாறு கடைக்காரர் தெரிவித்துள்ளார்.

மும்பையைச் சேர்ந்தவர் மோனா ஜோஷி. சற்று பூசினாற் போன்று இருக்கும் அவர் தோழியின் திருமணத்திற்கு செல்ல காக்ரா வாங்க கல்கி ஃபேஷன்ஸ் கடைக்கு சென்றுள்ளார். தனது சைஸில் ஏதாவது உடை உள்ளதா என்று கடைக்காரரிடம் கேட்டுள்ளார். அதற்கு கடைக்காரரோ ஜிம்முக்கு செல்லுங்கள் என்று அவர் பூசினாற் போன்று இருப்பதை குத்திக் காட்டியுள்ளார்.

இது குறித்து மோனாவின் தோழர் ஃபேஸ்புக்கில் கல்கி ஃபேஷன்ஸிடம் கூறியிருப்பதாவது,

என் தோழி ஒருவர் சான்டாக்ரூஸில் உள்ள கடைக்கு சென்று காக்ரா வாங்க நினைத்தார். அவர் உங்கள் கடையில் இருக்கும் பொம்மை போன்று இல்லை. எங்களிடம் உங்கள் சைஸில் எதுவும் இல்லை என்று கடைக்காரர் தெரிவித்துள்ளார். அப்படி என்றால் எங்கு செல்ல வேண்டும் என்று மோனா கேட்டதற்கு அவர் ஜிம் என்று தெரிவித்துள்ளார்.

ஒருவர் குண்டாக இருப்பதை இப்படி அசிங்கப்படுத்துவதை ஏற்றுக்கொள்ள முடியாது என்று தெரிவித்துள்ளார்.

இந்த போஸ்ட்டை பார்த்த கல்கி ஃபேஷன்ஸ் மன்னிப்பு கேட்டதுடன் மோனாவை அசிங்கப்படுத்திய நபரை பணிநீக்கம் செய்துள்ளது. மோனாவுக்கு ஆதரவாக பலரும் ஆன்லைனில் குரல் கொடுத்துள்ளனர்.

English summary

A designer store in Mumbai has asked a fat woman to go to gym before coming to the shop looking for dress.