மூழ்கியது கேரளா.. பல இடங்களில் வெள்ளம்.. பதற வைக்கும் வீடியோ காட்சிகள்!
கேரளாவில் ஏற்பட்டு இருக்கும் வெள்ளம் அந்த மொத்த மாநிலத்தையே நிலைகுலைய வைத்துள்ளது.
திருவனந்தபுரம்: கேரளாவில் ஏற்பட்டு இருக்கும் வெள்ளம் அந்த மொத்த மாநிலத்தையே நிலைகுலைய வைத்துள்ளது. இந்த வெள்ளம் குறித்து மனதை உடைய வைக்கும் காட்சிகள் வெளியாகி உள்ளது.
கேரளா மாநிலம் முழுக்க தற்போது பலத்த மழை பெய்து வருகிறது. கடந்த மாதம் தொடங்கிய மழை விடாது அங்கே பெய்து வருகிறது.
இதனால் கேரளாவில் பல மாவட்டங்களில் வெள்ளம் ஏற்பட்டுள்ளது. சில முக்கியமான இடங்கள், பகுதிகள் நீரில் மூழ்கி இருக்கிறது.
போக்குவரத்து பாதிப்பு
இந்த மழை காரணமாக மொத்தமாக போக்குவரத்து பாதிக்கப்பட்டுள்ளது. கப்பல் போக்குவரத்து மட்டுமே நடக்கிறது. இதனால் பல இடங்களில் வாகனங்கள் சாலையில் மூழ்கி இருக்கிறது.
மண் சரிவு
அதேபோல் மாநிலத்தில் பல இடங்களில் இதனால் நிலச்சரிவு ஏற்பட்டு இருக்கிறது. மலைப்பகுதி என்பதால், மோசமான அளவில் நிலச்சரிவு ஏற்பட்டுள்ளது.
மீட்பு பணிகள்
அங்கு தற்போது மீட்பு பணிகள் நடந்து வருகிறது. மொத்தமாக மக்களின் இயல்பு வாழ்க்கையே பாதிக்கப்பட்டுள்ளது. வீடுகளுக்குள் தண்ணீர் புகும் காட்சிகள் பதற வைக்கும் வகையில் உள்ளது .
பெரிய தாமதம்
அதேபோல் மீட்பு பணிகளில் பெரிய அளவில் தாமதம் ஏற்பட்டு உள்ளது. எல்லா இடங்களிலும் தண்ணீர் சூழ்ந்து இருப்பதால் , மீட்பு குழு உள்ளே செல்ல முடியவில்லை. இதனால் பலி எண்ணிக்கை 26 தாண்டியுள்ளது.