பாஜகவின் 'சித்து விளையாட்டு': குஜராத்திலும் காங். எம்.எல்.ஏக்கள் பாஜகவுக்கு தாவல்!
காந்திநகர்: குஜராத்தில் காங்கிரஸ் எம்.எல்.ஏக்கள் பாஜகவுக்கு தாவும் சூழ்நிலை உருவாகிவிட்டது. தம்முடன் 15 அதிருப்தி எம்.எல்.ஏக்கள் தொடர்பில் உள்ளனர் என்கிறார் பாஜகவுக்கு தாவப் போகும அல்பேஷ் தாக்கூர்.
லோக்சபா தேர்தலின் போது காங்கிரஸ் கட்சியில் இருந்து விலகுவதாக அறிவித்தார் அல்பேஷ் தாக்கூர். லோக்சபா தேர்தலிலும் காங்கிரஸ் வேட்பாளர்களை வீழ்த்தும் வகையில் செயல்பட்டார்.
இந்நிலையில் குஜராத் மாநில துணை முதல்வர் நிதின் பட்டேல் உள்ளிட்டோரை அல்பேஷ் சந்தித்து பேசினார். இதையடுத்து, தாம் பாஜகவில் இணையப் போவதாகவும் அல்பேஷ் கூறியுள்ளார்.
தோல்வியால் துவளும் காங்கிரசை தூக்கி நிறுத்த அதிரடி பிளான்.. வருகிறது புது பதவி
இது தொடர்பாக செய்தியாளர்களிடம் பேசிய அல்பேஷ், எங்களுக்கு அரசின் ஆதரவு தேவை. அதனால்தான் பாஜகவில் இணைய உள்ளோம். காங்கிரஸின் பாதிக்கும் மேற்பட்ட எம்.எல்.ஏ.க்கள் அதிருப்தியில் உள்ளனர். குறைந்தது 15 எம்.எல்.ஏக்கள் எங்களுடன் தொடர்பில் உள்ளனர் என்றார்.