இதை கவனிக்க மறந்துட்டீங்களா.. குஜராத்தில் இஸ்ரேல் பிரதமரை வரவேற்ற 'பத்மாவத்' பட பாடல்!

இஸ்ரேல் பிரதமர் பெஞ்சமின் நெதன்யாகுவை வரவேற்க பத்மாவத் பட பாடல் பயன்படுத்தப்பட்டு இருக்கிறது.

அஹமதாபாத்: இஸ்ரேல் பிரதமர் பெஞ்சமின் நெதன்யாகு 6 நாள் பயணமாக இந்தியா வந்து இருக்கிறார். கடந்த ஞாயிற்றுக்கிழமை காலை அவர் டெல்லி வந்து சேர்ந்தார்.

குஜராத் சென்ற போது அவருக்கு மிகவும் சிறப்பாக வரவேற்பு கொடுக்கப்பட்டது. ஆனால் இந்த நிகழ்வில் பாஜக கட்சிக்கு பிடிக்காத ஒரு விஷயம் நடந்து இருக்கிறது.

இதில் பத்மாவத் பாடல் ஒலிபரப்பப்பட்டு இருக்கிறது. இந்த பாடல் மூலமே இஸ்ரேல் பிரதமர் வரவேற்கப்பட்டு இருக்கிறார்.

பத்மாவத் பிரச்சனை

பத்மாவத் படம் வெளியாவது கடந்த ஒரு மாதமாக பெரிய பிரச்சனையாக இருந்தது. மத்தியில் ஆளும் பாஜக கட்சி இந்த படத்திற்கு எதிர்ப்பு தெரிவித்தது. ராணி பத்மாவதி தவறாக சித்தரிக்கபடுவதாக கூறப்பட்டது. மாநிலங்களில் ஆளும் பாஜக கட்சியும் இதற்கு எதிர்ப்பு தெரிவித்தது.

விழா

பத்மாவத் படத்தின் பாடலை கூட ஒளிபரப்ப எதிர்ப்பு தெரிவிக்கப்பட்டது. மத்திய பிரதேசத்தில் இருக்கும் பள்ளி விழா ஒன்றில் இந்த படத்தின் பாடல் ஒளிபரப்பப்பட்டு இருக்கிறது. இதற்கு எதிர்ப்பு தெரிவித்த 'கர்னி சேனா' என்ற இந்துத்துவா இயக்கம் அந்த பள்ளியை அடித்து நொருக்கியது.

இஸ்ரேல் பிரதமர்

இஸ்ரேல் பிரதமர் பெஞ்சமின் நெதன்யாகு தற்போது இந்தியா வந்து இருக்கிறார். அவர் குஜராத்தில் ஒரு நிகழ்வில் கலந்து கொண்ட போது இந்த பாடல் ஒளிபரப்பப்பட்டு இருக்கிறது. இந்த பாடலை கொண்டே இஸ்ரேல் பிரதமரை வரவேற்று இருக்கிறார்கள்.

#Ghoomar song of @filmpadmaavat played and dance performed on it in #Ahmedabad. This program is to welcome PM @narendramodi & Isreal PM #Netanyahu. 👏👏👏 pic.twitter.com/layjWd0t5R

— Kirandeep (@raydeep) January 17, 2018

வைரல் ஆனது

தற்போது இந்த நிகழ்வு வீடியோவாக வெளியாகி உள்ளது. இதில் பிரதமர் மோடியும் பார்வையாளராக இருக்கிறார். இந்த பாடலை ஒளிபரப்பும் பள்ளிகள் தாக்கப்படும் என்று கூறப்பட்டது. அப்படி கூறிய நபர்கள் எல்லாம் இப்போது எங்கே என்று டிவிட்டரில் கேள்வி எழுப்பி வருகின்றனர்.

English summary

Israel Prime Minister Benjamin Netanyahu visits PM Modi's home state Gujarat. In this 'Ghoomar' song from Padmavat film has played and dance performed to welcome him.