குஜராத் உள்ளாட்சித் தேர்தல்: 75 நகராட்சிகளில் 45-ஐ கைப்பற்றியது பாஜக
குஜராத் உள்ளாட்சித் தேர்தலில் பாஜக வெற்றியைப் பெற்றுள்ளது.
அகமதாபாத்: குஜராத் உள்ளாட்சித் தேர்தல்களில் பாரதிய ஜனதா கட்சி அதிக இடங்களைப் பெற்றுள்ளது. மொத்தம் உள்ள 75 நகராட்சிகளில் 47 பாஜக வசமானது.
குஜராத்தின் 28 மாவட்டங்களில் உள்ளாட்சித் தேர்தல் வாக்குப் பதிவு கடந்த 17-ந் தேதி நடைபெற்றது. ராஜ்கோட்டில் மிக குறைந்தபட்சமாக 50.17% வாக்குகளும் தாகோட்டில் அதிகபட்சமாக 76.7% வாக்குகளும் பதிவாகி இருந்தன.
இந்த வாக்குகள் எண்ணப்பட்டு முடிவுகள் அறிவிக்கப்பட்டன. மொத்தம் உள 75 நகராட்சிகளில் 47 ஐ பாஜக கைப்பற்றியுள்ளது. காங்கிரஸ் 16 நகராட்சிகளையும் தேசியவாத காங்கிரஸ்- 1; பகுஜன் சமாஜ் 1 இடத்தையும் கைப்பற்றியுள்ளன. 6 நகராட்சிகளில் யாருக்கும் பெரும்பான்மை இல்லை; 4 நகராட்சிகளை சுயேட்சைகள் கைப்பற்றியுள்ளனர்.
மொத்தம் 2,060 உள்ளாட்சி இடங்களில் பாஜக 1167; காங்கிரஸ் 630; சுயேட்சைகள் 202; தேசியவாத காங்கிரஸ் 28; பகுஜன் சமாஜ் -15 இடங்களைக் கைப்பற்றியுள்ளன. மொத்தம் 2116 உள்ளாட்சி இடங்களுக்கு தேர்தல் அறிவிக்கப்பட்டது. இதில் 52 பேர் போட்டியின்றி வெற்றி பெற்றனர்.