For Daily Alerts
Just In
ஹேமமாலினி பேசிய மேடை சரிந்தது
மதுரா: நடிகை ஹேமமாலினி பேசிக் கொண்டிருந்த பிரசார மேடை சரிந்ததால் பரபரப்பு ஏற்பட்டது.
உ.பி. மாநிலம் மதுராவில் போட்டியிடுகிறார் பாஜகவின் ஹேமமாலினி. நேற்று இரவு அவர் ஒரு பொதுக் கூட்டத்தில் கலந்து கொண்டார். கூட்டம் திரண்டிருந்தது. ஆனால் ஹேமமாலினி அறிவிக்கப்பட்ட நேரத்தில் வரவில்லை. இதனால் கூட்டத்தினர் கோபமடைந்தனர்.
ஆனால் நெடு நேர தாமதத்திற்குப் பின்னர் ஹேமா வந்து சேர்ந்தார். அவரை அருகே போய் பார்க்க பலரும் முண்டியடித்தனர். பலர் மேடையிலும் ஏறினர். இதனால் பாரம் தாங்காமல் மேடையின் ஒரு பகுதி சரிந்தது. இதனால் பரபரப்பு ஏற்பட்டது.
அதிர்ஷ்டவசமாக ஹேமாவுக்கு காயம் ஏதும் இல்லை. மேடை சரிந்தாலும் விடாமல் அவர் தொடர்ந்து பேசி முடிதது விட்டே புறப்பட்டுச் சென்றார்.
English summary
Actress Hemamalini's stage collapsed in her constituency Mathura, but she escaped unhurt.
Story first published: Sunday, April 20, 2014, 12:46 [IST]