பசு நெய் சாப்பிட்டால் ஒலிம்பிக்கில் தங்கம் வெல்லலாம்: ராம்தேவ் அரிய கண்டுபிடிப்பு
டெல்லி: ஒலிம்பிக் போட்டிகளில் தங்கப் பதக்கம் வெல்ல இந்திய வீரர், வீராங்கனைகள் மாட்டிறைச்சி அல்ல பசு நெய் சாப்பிட வேண்டும் என யோகா குரு பாபா ராம்தேவ் தெரிவித்துள்ளார்.
ரியோடி ஜெனீரோ நகரில் நடந்த ஒலிம்பிக் போட்டிகளில் இந்தியாவால் தங்கப் பதக்கம் வெல்ல முடியவில்லை. இந்நிலையில் பாஜக எம்.பி. உதித் ராஜோ, ஜமைக்காவை சேர்ந்த உசேன் போல்ட் ஏழை. அவரை தினமும் இரு வேளை மாட்டிறைச்சி சாப்பிடுமாறு பயிற்சியாளர் அறிவுறுத்தினார். மாட்டிறைச்சி சாப்பிட்டதால் தான் அவரால் ஒலிம்பிக்கில் 9 தங்கப் பதக்கங்கள் வெல்ல முடிந்தது என்று ட்விட்டரில் தெரிவித்திருந்தார்.
அவரது ட்வீட்டுக்கு பலர் கடும் எதிர்ப்பு தெரிவித்தனர். சிலர் அவரை ட்விட்டரில் கிண்டல் செய்திருந்தனர். இந்நிலையில் இது குறித்து யோகா குரு பாபா ராம்தேவ் கருத்து தெரிவித்துள்ளார்.
It should be clear to everyone that power to be a real champion comes from having cow's ghee not by having beef
— Swami Ramdev (@yogrishiramdev) August 29, 2016
ராம்தேவ் ட்விட்டரில் கூறியிருப்பதாவது,
மாட்டிறைச்சி அல்ல மாறாக பசு நெய் சாப்பிடுவது தான் உண்மையான சாம்பியனுக்கு தெம்பு அளிக்கும் என்பதை அனைவரும் தெரிந்து கொள்ள வேண்டும் என தெரிவித்துள்ளார்.