அடேங்கப்பா.. 'அதானி end.. ரிலையன்ஸ் end..' நம்பர்.1 ஸ்டேடியம் குறித்து ராகுல் காந்தி 'சுளீர்' ட்வீட்
அகமதாபாத்: நரேந்திர மோடி கிரிக்கெட் ஸ்டேடியத்தின் இரு முனைகளுக்கும் ரிலையன்ஸ், அதானி பெயர் வைக்கப்பட்டது குறித்து ராகுல் கிண்டலாக ட்வீட் செய்துள்ளார்.
இந்தியா - இங்கிலாந்து அணிகள் இடையேயான மூன்றாவது டெஸ்ட் போட்டி, உலகில் மிகப்பெரிய கிரிக்கெட் மைதானமாக கட்டமைக்கப்பட்டுள்ள மோட்டேரா ஸ்டேடியத்தில் இன்று (பிப்.24) தொடங்கியது.
800 கோடி ரூபாய் செலவில், நவீன வசதிகளுடன் பிரம்மாண்டமாக கட்டியெழுப்பப்பட்ட இந்த ஸ்டேடியம் அகமதாபாத்தில் உள்ளது. உள்துறை அமைச்சர் அமித் ஷாவின் முன்னிலையில் குடியரசுத் தலைவர் ராம்நாத் கோவிந்த் இன்று இந்த ஸ்டேடியத்தை திறந்து வைத்தார்.
63 ஏக்கர் நிலப்பரப்பில் கட்டப்பட்டுள்ள இந்த ஸ்டேடியத்தில் ஒரே நேரத்தில் 1 லட்சத்து 30 ஆயிரம் ரசிகர்கள் அமர்ந்து போட்டியை ரசிக்கலாம். இந்நிலையில், சர்தார் படேல் என்றிருந்த இந்த ஸ்டேடியத்தின் பெயர், நரேந்திர மோடி ஸ்டேடியம் என பெயர் மாற்றம் செய்யப்பட்டது. குறிப்பாக, பிட்சின் இரு முனைக்கும் ரிலையன்ஸ் என்ட் (Reliance End) மற்றும் அதானி என்ட் (Adhani End) என பெயர் மாற்றப்பட்டுள்ளது.
இதுகுறித்து, ராகுல் காந்தி தனது ட்விட்டரில்,
உண்மை தன்னைத் தானே எவ்வாறு வெளிப்படுத்துகிறது என்பது அழகாக உள்ளது என்று குறிப்பிட்டுள்ள ராகுல்,
நரேந்திர மோடி மைதானம்
- அதானி end
- ரிலையன்ஸ் end
அதுவும் ஜெய்ஷா தலைமையில்"
என்று ட்வீட் செய்துள்ளார்.
Beautiful how the truth reveals itself.
— Rahul Gandhi (@RahulGandhi) February 24, 2021
Narendra Modi stadium
- Adani end
- Reliance end
With Jay Shah presiding.#HumDoHumareDo
மத்தியில் ஆளும் மோடி அரசின் மீது சிலர் வைக்கும் முக்கிய குற்றச்சாட்டே கார்ப்பரேட் நிறுவனங்களான அம்பானி, அதானி நிறுவனங்களுக்கு அரசு துணை போகிறது என்பதே. இந்த சூழலில், ஸ்டேடியத்தின் இரு முனை பெவிலியன்களுக்கும் இரு நிறுவங்களின் பெயர்கள் வைக்கப்பட்டிருப்பது குறித்து பலரும் சமூக தளங்களில் ஆதரவாகவும், எதிராகவும் கருத்துக்களை பதிவிட்டு வருகின்றனர்.