சர்வதேச யோகா தினம்: இந்தியா முழுக்க விமர்சையாக கொண்டாட்டம்
இந்தியா முழுக்க பல இடங்களில் யோகா பயிற்சி செய்யப்பட்டு வளர்கிறது.
Recommended Video
டெல்லி: இந்தியா முழுக்க பல இடங்களில் யோகா பயிற்சி செய்யப்பட்டு வளர்கிறது. பல இடங்களில் சர்வதேச யோகா தின விழா கொண்டாட்டம் நடக்கிறது.
சர்வதேச யோகா தினம் இன்று உலகம் முழுக்க கடைப்பிடிக்கப்படுகிறது. தற்போது டேராடூன் வன ஆராய்ச்சி மையத்தில் சர்வதேச யோகா தின விழா கொண்டாட்டம் நடக்கிறது. இதில் பிரதமர் மோடி கலந்து கொண்டுள்ளார்.
அதேபோல் மற்ற இடங்களில் யோகா பயிற்சி செய்யப்படுகிறது. பொது இடங்களில் மக்கள் யோகா பயிற்சி செய்து வருகிறார்கள்.
அதிமுக அமைச்சர்கள்
சென்னையில் பல இடங்களில் ஆளும் கட்சியினர், பாஜகவினர் யோகா பயிற்சியில் ஈடுபட்டு வருகிறார்கள். சுகாதரத்துறை அமைச்சர் விஜயபாஸ்கர் சென்னை ஓமந்தூரார் மருத்துவமனையில் யோகா பயிற்சி செய்கிறார். இயற்கை மருத்துவம், ஹோமியோபதி மருத்துவக் கல்லூரி மாணவர்களுடன் அமைச்சர் யோகா செய்கிறார்.
|
ராணுவ வீரர்கள்
காஷ்மீர் எல்லையில் ராணுவ வீரர்கள் யோகா பயிற்சி செய்கிறார்கள். அங்கு மீண்டும் போர் பதற்றமும், தீவிவாத அச்சுறுத்தலும் நிலவி வருகிறது. இந்த நிலையில் இன்று காலையில் அவர்கள் ஒன்றாக சேர்ந்து யோகா பயிற்சி செய்தனர். மேலும் இந்திய - திபெத் எல்லையில் பாதுகாப்பு படையினர் யோகா பயிற்சி செய்கிறார்கள்.
|
அமைச்சர்கள்
டெல்லியில் பாஜக அமைச்சர்கள் யோகா பயிற்சி செய்து வருகிறார்கள். அமைச்சர்கள் பியூஸ் கோயல், எம்எல்ஏ பங்கஜ் சிங் ஆகியோர் யோகா பயிற்சி செய்து வருகிறார்கள். ராஜஸ்தான் முதல்வர் வசுந்தரா ராஜேவுடன் பதஞ்சலி பாபா ராமதேவ் யோகா பயிற்சி செய்தார்.
|
பிற மாநிலத்தில்
தமிழகம் போலவே பாஜக அல்லாத பிறமாநில முதல்வர்கள் சிலரும் யோகா பயிற்சி செய்து வருகிறார்கள். ஆந்திர முதல்வர் சந்திரபாபு நாயுடு யோகா பயிற்சி செய்து வருகிறார். அமராவதியில் அமைச்சர்கள், கட்சி நிர்வாகிகளுடன் யோகா பயிற்சி செய்து வருகிறார்.