ஜிசாட் 7 ஏ செயற்கைகோளுடன் விண்ணில் செலுத்தப்பட்ட ஜிஎஸ்எல்வி எஃப் 11 ராக்கெட்
Recommended Video
ஸ்ரீஹரிகோட்டா: ஆந்திர மாநிலம் ஸ்ரீஹரிகோட்டாவில் இருந்து ஜிசாட் 7ஏ என்ற செயற்கைகோளுடன் ஜிஎஸ்எல்வி எஃப் 11 ராக்கெட் விண்ணில் இன்று செலுத்தப்பட்டது.
இந்தியாவின் அனைத்து பகுதிகளுக்கும் தகவல் தொடர்பு சேவை கிடைக்கும் வகையில் ஜிசாட் 7ஏ என்ற செயற்கைகோளை இஸ்ரோ விஞ்ஞானிகள் வடிவமைத்தனர். இதன் எடை சுமார் 2, 250 கிலோ ஆகும்.
இந்திய விண்வெளி ஆராய்ச்சி நிறுவனத்தால் உருவாக்கப்பட்ட தகவல் தொடர்பு செயற்கைகோள்களில் இது 35-ஆவது ஆகும். இதன் ஆயுட்காலம் 8 ஆண்டுகள் ஆகும். இந்திய எல்லைப் பகுதிகளில் தகவல் தொடர்பு சேவையை மேம்படுத்துவதே இதன் முக்கிய நோக்கமாகும். இது இஸ்ரோவின் ஸ்டாண்டர்டு I-2K பஸ் அடிப்படையில் கட்டமைக்கப்பட்டுள்ளது.
ஜிஎஸ்எல்வியின் 13-ஆவது ராக்கெட்டான எஃப் 11வுடன் ஜிசாட் 7ஏ செயற்கைகோள் செலுத்தப்பட்டது. இதற்கான கவுன்ட்டவுன் நேற்று தொடங்கியது. இந்நிலையில் இந்த ராக்கெட் ஸ்ரீஹரிகோட்டாவில் உள்ள சதீஷ் தவான் விண்வெளி ஆய்வு மையத்தில் இருந்து இன்று மாலை விண்ணில் செலுத்தப்பட்டது.