"மைனிங்" ரெட்டி மகள் அணிந்திருந்த "வைரப் புடவை" 19 கோடி ரூபாயாமே!

சுரங்க மாபியா ஜனார்த்தன ரெட்டி நடத்திய ஆடம்பர திருமணத்தில் அவரது மகள் அணிந்திருந்த முகூர்த்தப்புடவையின் விலை 19 கோடி ரூபாய் ஆகும்.

பெங்களூரு: கர்நாடக முன்னாள் அமைச்சர் ஜனார்த்தன ரெட்டி வீட்டு கல்யாணத்தில் மணமகள் அணிந்திருந்த பட்டுப்புடவையின் விலை 19 கோடி ரூபாய் ஆகும்.

சுரங்க மோசடி வழக்கில் சிக்கி சிறை சென்ற கர்நாடக பா.ஜ.க முன்னாள் அமைச்சர் ஜனார்த்தன ரெட்டி நேற்று முன்தினம் தனது மகள் பிராமணிக்கு வெகு விமரிசையாக திருமணம் நடத்தி வைத்தார். இதில் அரசியல் கட்சி தலைவர்கள் இன்னாள், முன்னாள் அமைச்சர்கள், அதிகாரிகள், திரை பிரபலங்கள் தொழிலதிபர்கள் என ஏராளமானோர் கலந்து கொண்டனர்.

கோடிகளில் நடந்து முடிந்த திருமணத்தில் மணமகள் அணிந்திருந்த முகூர்த்தப் பட்டுப் புடவையின் விலை மட்டுமே 19 கோடி ரூபாய் என கூறப்படுகிறது.

முற்றிலும் தங்க ஜரிகையால் நெய்யப்பட்ட இந்தப் புடவையில் வெள்ளை மற்றும் இளஞ்சிவப்பு நிற வைர கற்கள் பொருத்தப்பட்டுள்ளது. பிரத்தியோகமாக முன்னரே ஆர்டர் கொடுத் நெய்யப்பட்ட இப்புடவையின் விலை 19 கோடி ரூபாய் என்று சொல்கிறார்கள் .

ரெட்டி வீட்டுத் திருமணத்தில் எல்லாமே காஸ்ட்லிதான். மணமக்கள் மட்டுமல்லாமல், கண்ணில் பட்ட அனைவருமே ஜொலி ஜொலித்தார்கள் என்பது குறிப்பிடத்தக்கது. முன்பு வளர்ப்பு மகன் சுதாகரன் திருமணம் தமிழகத்தில் பிரமாண்டமாக பேசப்பட்டது போல தற்போது கர்நாடகத்தின் பரபரப்பாக மாறி விட்டது ரெட்டி மகள் திருமணம்.

English summary

Mining baron Janardhana Reddy's daughter wore a diamond saree which was worth Rs 19 crores and fully worked with diamonds and gold .