நீங்க ஜோடி சேர நாங்கதான் காரணம்.. வோடபோன்-ஐடியா இணைப்பை கிண்டல் செய்த ஜியோ!
ஐடியா மற்றும் வோடபோன் தொலைத்தொடர்பு நிறுவனங்களின் இணைப்பை ஜியோ நிறுவனம் டிவிட்டரில் கிண்டல் செய்துள்ளது.
Recommended Video
டெல்லி: ஐடியா மற்றும் வோடபோன் தொலைத்தொடர்பு நிறுவனங்களின் இணைப்பை ஜியோ நிறுவனம் டிவிட்டரில் கிண்டல் செய்துள்ளது.
ஐடியா மற்றும் வோடபோன் தொலைத்தொடர்பு நிறுவனங்களின் இணைப்பு வெற்றிகரமாக நடந்து முடிந்துள்ளது. நேற்று இதற்கான ஒப்பந்தம் கையெழுத்தானது.
பல்வேறு பேச்சுவார்த்தைகளுக்கு பின் இந்த இணைப்பு சாத்தியம் ஆகியுள்ளது. இணைப்பு காரணமாக நாட்டின் மிகப்பெரிய தொலைத் தொடர்பு சேவை நிறுவனமாக மாறியுள்ளது.
|
ஐடியா டிவிட்
இந்த நிலையில் ஐடியா நிறுவனத்தின் டிவிட்டர் பக்கத்தில் இந்த அழகான டிவிட் வெளியாகி இருந்தது. ''ஹே வோடபோன் உனக்கு தெரியுமா, எல்லோரும் நம்மை பற்றித்தான் பேசிக்கொண்டு இருக்கிறார்கள்'' என்று திருமணத்திற்கு முன் ஆணும் பெண்ணும் டிவிட் செய்வது போல டிவிட் செய்திருந்தனர்.
|
வோடபோன் டிவிட்
இதையடுத்த்து வோடபோன் அதற்கு பதில் அளித்து டிவிட் செய்தது. அதில், ஆமாம் ஐடியா. நாம் இப்போது அதிகாரப்பூர்வமாக இணைந்துவிட்டோம், என்று கூறியுள்ளது.
|
ஜியோ கிண்டல்
இதற்கு ஜியோ நிறுவனம் அளித்த பதில்தான் வைரல் ஆகியுள்ளது. அதில், கடந்த 2016ல் இருந்தே நாங்கள் மக்களை இணைத்து வருகிறோம் என்றுள்ளனர். அதாவது வோடபோன் ஐடியா இணைப்பிற்கு தாங்கள்தான் காரணம் என்று ஜியோ கூறியுள்ளது.
ஜியோவா காரணம்
2016 இறுதியில் ஜியோ நிறுவனம் பயன்பாட்டிற்கு வந்தது. அப்போதில் இருந்தே மற்ற நிறுவனங்களுக்கு பயனாளர்கள் குறைத்து போனார்கள். இதனால் ஏர்செல் நிறுவனம் மூடப்பட்டது. இந்த நிலையில் இழப்பை சமாளிக்கும் வகையில் வோடபோன் மற்றும் ஐடியா இணைந்துள்ளது.
|
ஏர்டெல் வாழ்த்து
இந்த நிலையில் வோடபோன் ஐடியா இணைப்பிற்கு ஏர்டெல் வாழ்த்து தெரிவித்துள்ளது. அதில், வாழ்த்துகள் மக்களே. வரவேற்கிறோம் உங்களை. இது எப்படி இருக்கும் என்று எங்களால் உணர முடிகிறது, என்றுள்ளனர்.