Click it and Unblock the Notifications
-
-
-
Don't Miss
-
மிரட்டும் குஜராத், அசராத வளர்ச்சியில் தமிழ்நாடு..! -
பளபளப்பான முகத்திற்கு தயிர்-எலுமிச்சை ஃபேஸ் பேக்கை ட்ரை பண்ணுங்க..! -
சாதா ஹெல்மெட் தூக்கி போடுவாங்க.. வந்தாச்சு ஏசி ஹெல்மெட்.. சில்லுனு காத்து.. இனி வெயிலை சமாளிக்க முடியும்.. -
தோனியை சமாதானப்படுத்த முடியாது.. அந்த விஷயத்திற்கு ரிஷப் பண்ட் தான் சரி.. ரோகித் சர்மா கலகல! -
சர்வதேச திரைப்பட விழாவில் வடக்கன்.. படக்குழுவினர் உச்சக்கட்ட மகிழ்ச்சி.. குவியும் பாராட்டு -
ரூ6 லட்சம் தான் கார் விலை, 4 ஸ்டார் ரேட்டிங்கும் இருக்குது! ஆனா சேல்ஸ் சரியாக ஆகல! என்ன கார் தெரியுமா? -
பிளஸ்-2 படித்திருந்தால் போதும்...மத்தியஅரசு வேலை தயார்..!! -
தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
கர்நாடக முதல்வரானார் குமாரசாமி.. மம்தா, ராகுல் உள்ளிட்ட முக்கியமான தலைவர்கள் பங்கேற்பு!
கர்நாடகாவில் மஜத- காங்கிரஸ் கூட்டணியின் ஆதரவு மூலம் அம்மாநில முதல்வராக பதவியேற்று இருக்கும் மஜத கட்சியின் மாநில தலைவர் குமாரசாமியின் பதவியேற்பு விழாவில் ராகுல் காந்தி, மம்தா பானர்ஜி உள்ளிட்ட தலைவர்கள்
Recommended Video
பெங்களூர்: கர்நாடகாவில் மஜத- காங்கிரஸ் கூட்டணியின் ஆதரவு மூலம் அம்மாநில முதல்வராக பதவியேற்று இருக்கும் மஜத கட்சியின் மாநில தலைவர் குமாரசாமியின் பதவியேற்பு விழாவில் ராகுல் காந்தி, மம்தா பானர்ஜி உள்ளிட்ட முக்கிய தலைவர்கள் கலந்து கொண்டுள்ளனர்.
கர்நாடகாவில் 104 இடங்களில் வெற்றி பெற்று 7 எம்எல்ஏக்கள் பலம் இல்லாததால் எடியூரப்பா தலைமையிலான பாஜக அரசு நம்பிக்கை வாக்கெடுப்பை சந்திக்காமலே பதவி விலக்கிக் கொண்டது. இதனால் தற்போது மஜத தலைமையிலான கூட்டணி தற்போது ஆட்சி அமைத்து உள்ளது.
இரண்டு நாட்களுக்கு முன்பு கர்நாடக ஆளுநர் வஜூபாய் வாலாவை சந்தித்து சந்தித்து ஆட்சி அமைக்க உரிமை கோரினார் மஜத கட்சியின் மாநில தலைவர் குமாரசாமி. அதன்படி இன்று முதல்வராக பதவியேற்றுள்ளார். அவர் இரண்டாவது முறையாக முதல்வராகிறார்.
விவசாயிகள் பெயரில் முதல்வராக பதவியேற்றார். கர்நாடக ஆளுநர் வஜூபாய் வாலா பதவிப் பிரமாணம் செய்து வைத்தார். கர்நாடகாவின் 24வது முதல்வராக மஜதவின் குமாரசாமி பதவியேற்றார்.
கர்நாடக துணை முதல்வராக காங்கிரசின் பரமேஸ்வரா பதவியேற்றார். இவர்கள் இருவரின் பதவியேற்பு விழாவில் இந்தியாவின் முக்கிய தலைவர்கள, கட்சி பிரதிநிதிகள் கலந்து கொண்டனர். இதில் பாஜக கட்சியை தவிர, பல மாநில தலைவர்கள், காங்கிரஸ் தலைவர்கள் கலந்து கொண்டனர்.
மேற்கு வங்க முதல்வர் மம்தா பானர்ஜி ஆந்திர முதல்வர் சந்திர பாபு நாயுடு, கேரளா முதல்வர் பினராயி விஜயன், காங்கிரஸ் தலைவர் ராகுல் காந்தி, உத்தர பிரதேச முன்னாள் முதல்வர் அகிலேஷ் யாதவ், உத்தர பிரதேச முன்னாள் முதல்வர் மாயாவதி, காங்கிரஸ் முன்னாள் தலைவர் சோனியா ஆகியோர் பங்கேற்றனர்.
அதேபோல் குமாரசாமியின் தந்தையும், மஜத கட்சியின் தேசிய தலைவருமான தேவ கவுடா, காங்கிரஸின் மல்லிகார்ஜுனா கார்கே, சரத் பவார், சரத்யாதவ், டி.ராஜா, லாலுவின் மகன் தேஜஸ்வினி, சீதாராம் யெச்சுரி ஆகியோரும் இந்த பதவியேற்பு விழாவில் கலந்து கொண்டனர்.
தெலுங்கான முதல்வர் சந்திரசேகர ராவ் கடைசி நேரத்தில் பதவியேற்பு விழாவில் கலந்து கொள்ளவில்லை. அதேபோல் ஸ்டாலின் தூத்துக்குடி கோர சம்பவம் காரணமாக பதவியேற்பு விழாவில் கலந்து கொள்ளவில்லை. கமல்ஹாசன் பதிவேற்பு விழாவில் கடைசி நேரத்தில் கலந்து கொண்டார்.
