Click it and Unblock the Notifications
Don't Miss
-
சீன வாட்ச்களை சுளுக்கு எடுத்த இந்திய கம்பெனி.. விலை கம்மி ஆனா 8 நாள் பேட்டரி, கொரில்லா கிளாஸ் 3, IP68 இருக்கு! -
ஏர் இந்தியாவின் கடைசி போயிங் 747 விமானம்!! மும்பை ஏர்போர்டில் இருந்து... -
உங்களுக்கு இந்த அறிகுறிகள் அதிகம் தெரியுதா? அப்ப உடம்புல தண்ணீர் ரொம்ப கம்மியா இருக்கு-ன்னு அர்த்தம்... உஷார். -
ரேஷன் கார்டு: 2 லட்சம் பேர் காத்திருப்பு.. புது அப்டேட் எப்போது வரும்..! -
கடைசி கட்டம்.. வேட்டையன் சூட்டிங் எப்போ முடியுது தெரியுமா?.. கூலி படத்துக்கும் தேதி குறித்த ரஜினி! -
இப்படி தான் சிக்சர் அடிக்கனும்.. இளம் அதிரடி வீரருக்கு சொல்லி கொடுத்த தோனி.. கவனித்த ஜடேஜா -
புதுச்சேரியில் பிஎஸ்சி நர்சிங் படிப்பதற்கு நுழைவுத் தேர்வு...! -
இந்துக்களுக்கும் கூட தெரியாத ரகசியங்கள் இவை தான் – உங்களுக்கு இவற்றில் எந்த உண்மை தெரியும்?
பீகார்: சட்டசபை தேர்தலில் லாலுவின் 2 மகன்கள் "குடும்ப தொகுதிகளில்" போட்டி!
பாட்னா: பீகார் சட்டசபை தேர்தலில் ராஷ்டிரிய ஜனதா தளத் தலைவர் லாலு பிரசாத் யாதவின் 2 மகன்கள் போட்டியிட உள்ளதாக அறிவிக்கப்பட்டுள்ளது.
பீகார் சட்டசபைக்கான தேர்தல் அக்டோபர் 12-ந் தேதி தொடங்கி நவம்பர் 5-ந் தேதி வரை நடைபெறுகிறது. இதில் பதிவாகும் வாக்குகள் நவம்பர் 8-ந் தேதி எண்ணப்பட்டு முடிவுகள் அறிவிக்கப்பட உள்ளன.
இத்தேர்தலில் ஆளும் ஐக்கிய ஜனதா தளம், ராஷ்டிரிய ஜனதா தளம், காங்கிரஸ் ஆகியவை இணைந்து மெகா கூட்டணியை அமைத்துள்ளன. இதில் ஐக்கிய ஜனதா தளமும் ராஷ்டிரிய ஜனதா தளமும் தலா 101 தொகுதிகளிலும் எஞ்சிய 41 தொகுதிகளில் காங்கிரசும் போட்டியிடுகின்றன.
இக்கூட்டணியின் முதல்வர் வேட்பாளராக நிதிஷ்குமார் அறிவிக்கப்பட்டுள்ளார். இந்த கூட்டணியின் அனைத்து கட்சி வேட்பாளர் பட்டியலும் இன்று பாட்னாவில் நடைபெற்ற செய்தியாளர்கள் சந்திப்பில் வெளியிடப்பட்டது.
இந்த சந்திப்பில் பீகார் முதல்வர் நிதிஷ்குமார், காங்கிரஸ் கட்சியின் மாநிலத் தலைவர் அசோக் சவுத்ரி, ராஷ்டிரிய ஜனதா தளத்தின் மூத்த தலைவர் ராம்சந்தர் பூர்வே ஆகியோர் கலந்து கொண்டனர். இந்த வேட்பாளர் பட்டியலில் வைஷாலி மாவட்டத்தின் 2 தொகுதிகளில் ராஷ்டிரிய ஜனதா தளத்தின் தலைவர் லாலு பிரசாத் யாதவின் மகன்கள் தேஜஸ்வி யாதவ், பிரதாப் யாதவ் ஆகியோர் போட்டியிடுவர் என அறிவிக்கப்பட்டுள்ளது.
லாலுவின் இளைய மகன் தேஜஸ்வி யாதவ், வைஷாலி மாவட்டத்தின் ரஹ்கோபூர் தொகுதியில் போட்டியிடுகிறார். இத்தொகுதியில் 1995,2000ஆம் ஆண்டுகளில் லாலுவும், 2005 பிப்ர்வரி, 2005 அக்டோபரில் நடைபெற்ற தேர்தலில் ராப்ரி தேவியும் வெற்றி பெற்றிருந்தனர். இது லாலுவின் குடும்ப தொகுதியாக கருதப்படுகிறது.
லாலுவின் மூத்த மகன் தேஜ்பிரதாப் யாதவ், வைஷாலி மாவட்டத்தின் மகுவா தொகுதியில் போட்டியிடுகிறார். இத்தொகுதியின் தற்போதைய எம்.எல்.ஏ. ஐக்கிய ஜனதா தளத்தைச் சேர்ந்த சதீஷ்குமார். அவருக்கு இம்முறை போட்டியிட வாய்ப்பு மறுக்கப்பட்டதால் சில நாட்களுக்கு முன்னர் பா.ஜ.க.வில் இணைந்தார். இத்தொகுதியில் 2010ஆம் ஆண்டு ராப்ரி தேவியை தோற்கடித்தவர் சதீஷ் குமார் என்பதும் குறிப்பிடத்தக்கது.
