பீகாரில் நிதிஷின் ஆளும் ஐக்கிய ஜனதா தளத்துக்கு மரண அடி
பாட்னா: பீகாரில் முதல்வர் நிதிஷ்குமாரின் ஆளும் ஐக்கிய ஜனதா தளம் படுதோல்வியை சந்தித்துள்ளது.
நிதிஷ்குமாரின் ஐக்கிய ஜனதா தளம் 17 ஆண்டுகாலம் பாஜக தலைமையிலான தேசிய ஜனநாயகக் கூட்டணியில் இருந்து வந்தது. கடந்த ஆண்டுதான் அக்கூட்டணியை விட்டு வெளியேறியது.
பீகாரில் மொத்தம் 40 தொகுதிகள் உள்ளன. ஐக்கிய ஜனதா தளம் தனித்து போட்டியிட்டது. ராம்விலாஸ் பாஸ்வானின் லோக் ஜன சக்தி, பாஜக அணியில் இணைந்தது. இங்கு லாலுவின் ராஷ்டிரிய ஜனதளமும் காங்கிரஸும் களமிறங்கின.
பாஜக கூட்டணிக்கு 28
40-ல் பாஜக கூட்டணி பாஜக 22, ராம்விலாஸ் பாஸ்வான் கட்சி 6 இடங்களை கைப்பற்றியுள்ளன.
லாலுவுக்கு 3
லாலுவின் ராஷ்டிரிய ஜனதா தளத்துக்கு 3 இடங்கள். இதில் அவரது மகள் மிசா பாரதி போட்டியிடும் பாடலிபுத்திரா தொகுதியும் ஒன்று.
ஐக்கிய ஜனதா தளத்துக்கு 2
ஆளும் ஐக்கிய ஜனதா தளத்துக்கு 2 தொகுதிகள்தான். ஏற்கெனவே லோக்சபா தேர்தலில் தோற்றால் ஆட்சி கவிழ்ந்து விடும் என்று அலறிக் கொண்டிருந்தவர் நிதிஷ்குமார் என்பது குறிப்பிடத்தக்கது.
காங்கிரஸுக்கு 2
இம்மாநிலத்தில் காங்கிரஸ் கட்சியும் 2 தொகுதிகளை கைப்பற்றியுள்ளது.