For Daily Alerts
Just In
பாதுகாப்புத்துறை செயலாளராக ஜி.மோகன் குமார் நியமனம்
டெல்லி: ராணுவத்துறையின் புதிய செயலாளராக ஜி.மோகன் குமார் நியமிக்கப் பட்டுள்ளார்.
ராணுவ துறையின் செயலாளராக பதவி வகித்த ஆர்.கே. மாத்தூரின் பதவிக்காலம் நிறைவு பெற்றதைத் தொடர்ந்து, அந்தத் துறையின் புதிய செயலாளராக மூத்த ஐ.ஏ.எஸ். அதிகாரி ஜி. மோகன் குமார் நியமிக்கப்பட்டுள்ளார். இதற்கான ஒப்புதலை நியமனங்களுக்கான மத்திய அமைச்சர்கள் குழு அளித்தது.
முன்னதாக மோகன்குமார் ராணுவ உற்பத்தி துறை செயலாளர் பதவி வகித்தார். ஒடிசா ஐ.ஏ.எஸ். அணியை சேர்ந்த இவர், அண்டை மாநிலமான கேரளாவை சேர்ந்தவர் என்பது குறிப்பிடத்தக்கது.
புதிதாக நியமிக்கப் பட்டுள்ள மோகன்குமார், அடுத்த 2 ஆண்டு காலம் ராணுவ துறை செயலாளர் பதவி வகிப்பார்.
மோகன்குமார் ராணுவ துறை செயலாளர் ஆனதைத் தொடர்ந்து, அவரது இடத்தில் தமிழ்நாட்டின் ஐ.ஏ.எஸ். அணியை சேர்ந்த அசோக் குமார் குப்தா நியமிக்கப் பட்டுள்ளார்.
Comments
English summary
Senior IAS officer G Mohan Kumar was appointed as new Defence Secretary for a two-year term.