நச்சுன்னு 25 பெட்.. குட்டி ஆஸ்பத்திரி ரெடி.. டிரம்ப்பை வரவேற்க தடபுடலாக தயாரான மோத்திரா ஸ்டேடியம்!
அகமதாபாத்: அமெரிக்க அதிபர் டொனால்ட் டிரம்பின் வருகையையொட்டி அகமதாபாத்தில் உள்ள மோடேரா ஸ்டேடியத்தில் 25 பெட்டுகள் கொண்ட தற்காலிக மருத்துவமனை அமைக்கப்பட்டுள்ளது.
அமெரிக்க அதிபர் டொனால்ட் டிரம்ப் நாளை இந்தியாவுக்கு வருகை தருகிறார். அவர் நேராக அகமதாபாத்திற்கு வந்து அங்கிருந்து சபர்மதி ஆசிரமத்திற்கு செல்கிறார். பின்னர் ஆக்ராவில் உள்ள தாஜ்மஹாலை மனைவி மெலானியாவுடன் சுற்றி பார்க்கிறார்.
இந்த பயணத்தின் போது டிரம்புடன் மனைவி மெலானியா, மகள் இவான்கா, மருமகன் ஜெரெட் குஷ்னர் உள்ளிட்ட 15-க்கும் மேற்பட்டோர் வருகை தருகின்றனர்.
இந்த நிலையில் மோதிரா ஸ்டேடியத்தில் நாளை நமஸ்தே டிரம்ப் நிகழ்ச்சிநடைபெறவுள்ளது. இந்த நிகழ்ச்சியில் ஏராளமானோர் கலந்து கொள்கின்றனர்.
Gujarat: A 25-bed temporary hospital has been set up at Motera Stadium in Ahmedabad, ahead of the 'Namaste Trump' event which will be held here at the stadium tomorrow. pic.twitter.com/vb0K345LWo
— ANI (@ANI) February 23, 2020
கூட்ட நெரிசல் காரணமாக அசம்பாவித சம்பவங்கள் நடைபெறுவதை சமாளிக்க மோடேரா ஸ்டேடியத்தில் 25 படுக்கை வசதி கொண்ட தற்காலிக மருத்துவமனை ஏற்படுத்தப்பட்டுள்ளது.
நெரிசலில் காயமடைந்தால் இந்த மருத்துவமனைக்கு அழைத்து செல்லப்பட்டு அவர்களுக்கு சிகிச்சை அளிக்கப்படும்.