கேரளாவில் 14 தொகுதிகளில் போட்டியிடும் பாஜக… நாளை வெளியாகிறது வேட்பாளர் பட்டியல்

கொச்சி:லோக்சபா தேர்தலில் கேரளாவில் கூட்டணிக் கட்சியான பாரத் தர்மஜன சேனாவுக்கு 5 தொகுதிகளையும், மாநில கட்சியான கேரள காங்கிரசுக்கு ஒரு தொகுதியையும் பாஜக ஒதுக்கி உள்ளது.

நாடு முழுவதும் லோக்சபா தேர்தலுக்கான கூட்டணி வேலைகள் முடிந்து பாஜக உள்ளிட்ட கட்சிகள் தேர்தல் பிரச்சாரத்தில் இறங்கி உள்ளன. பிரதமர் மோடியும், காங்கிரஸ் தலைவர் ராகுல் காந்தி உள்ளிட்டோரும் பிரச்சாரத்தில் ஈடுபட்டு உள்ளனர்.

நாடு முழுவதும் அந்தந்த மாநில கட்சிகளுடனும் பாஜக, காங்கிரஸ் ஆகிய கட்சிகளை அமைத்து உள்ளன. பெரும் எதிர்பார்ப்பை ஏற்படுத்தி உள்ள தமிழகத்திலும் பாஜக அதிமுகவுடன் கூட்டணி அமைத்து போட்டியிடுகிறது.

20 தொகுதிகளில் போட்டி

இந் நிலையில் கேரளாவில் கூட்டணி கட்சிகளுக்கு தொகுதிகளை ஒதுக்கி பாஜக அறிவிப்பு வெளியிட்டுள்ளது. அந்த மாநிலத்தில் மொத்தமுள்ள 20 தொகுதிகளில் பாஜக 4 தொகுதிகளில் போட்டியிடுகிறது.

5 தொகுதிகள் ஒதுக்கீடு

எஞ்சிய 6 தொகுதிகளில் 5 தொகுதிகளை கூட்டணியில் உள்ள பாரத் தர்மஜன சேனாவுக்கு பாஜக ஒதுக்கி உள்ளது. ஒரு தொகுதியை அம்மாநில கட்சியான கேரள காங்கிரசுக்கு ஒதுக்கியிருக்கிறது. கேரள காங்கிரசுக்கு அம்மாநிலத்தில் 6 எம்எல்ஏக்கள் உள்ளனர்.

14ல் பாஜக

அதன்படி.. பாரத் தர்மஜன சேனாவுக்கு திருச்சூர், மாவேலிகரா, இடுக்கி, ஆலத்தூர் மற்றும் வயநாடு ஆகிய தொகுதிகள் ஒதுக்கப்பட்டுள்ளன. மீதி உள்ள 14 தொகுதிகளில் பாஜக களம் காண்கிறது.

வேட்பாளர்கள் பட்டியல்

அந்த தொகுதிகளுக்கான வேட்பாளர்களை இன்னும் பாஜக அறிவிக்கவில்லை. நாளையோ அல்லது ஒரு சில நாட்களிலோ அறிவிக்க வாய்ப்பு இருப்பதாக தகவல்கள் வெளியாகி உள்ளன.

English summary

Nda allocates five seats for bharat dharma jana sena in kerala.