முகமது ஷமியின் மனைவியை அடுத்து சானியாவை வறுத்தெடுத்த நெட்டிசன்கள்
ஹைதராபாத்: உடல் அங்கமெல்லாம் மூடாமல் உடை அணிந்த டென்னிஸ் வீராங்கனை சானியா மிர்ஸாவை மதத்தின் பெயரை கூறி பலரும் கடுமையாக விமர்சித்துள்ளனர்.
கிரிக்கெட் வீரர் முகமது ஷமி தனது மனைவி துப்பட்டா போடாமல் மாடர்னாக உடை அணிந்திருந்த புகைப்படத்தை சமூகவலைதளத்தில் வெளியிட்டார். இதை பார்த்த பலரும் இது இஸ்லாத்திற்கு எதிரானது என கூறி ஷமியின் மனைவியை விமர்சனம் செய்தனர்.
இந்நிலையில் டென்னிஸ் வீராங்கனை சானியா மிர்ஸா ஃபேஸ்புக்கில் தனது புகைப்படம் ஒன்றை வெளியிட்டார். அதில் அவர் முக்காடு போடவில்லை. மேலும் மாராப்பை சரியாக போடவில்லை.
அவ்வளவு தான் இந்த புகைப்படத்தை பார்த்தவர்கள் சானியாவை கடுமையாக விமர்சித்துள்ளனர். அதில் ஒருவரோ, இந்த வாழ்க்கை நிரந்தரம் அல்ல மரணத்திற்கு பிந்தைய வாழ்வு தான் நிரந்தரம் என தெரிவித்துள்ளார்.
சிலரோ மதத்தின் பெயரால் ஏன் இப்படி சானியாவை திட்டுகிறீர்கள் என்று அவருக்கு ஆதரவாக கமெண்ட் போட்டுள்ளனர்.