சமையல் எண்ணெய்யில் கொலஸ்ட்ரால் இல்லவே இல்லையாம் – ஊட்டசத்து வல்லுனர் தகவல்
டெல்லி: நாம் அன்றாடம் உபயோகிக்கும் சமையல் எண்ணெய்யி்ல் கொழுப்புச்சத்தே கிடையாது என்று பிரபல ஊட்டச்சத்து வல்லுனர் ஒருவர் தெரிவித்துள்ளார்.
சமையல் எண்ணெயை உணவில் சேர்த்தால் உடம்பில் கொலஸ்ட்ரால் அதிகமாகிவிடும் என பொதுவாக பேசப்படுகிறது.
இதை பயன்படுத்தி சில சமையல் எண்ணெய் கம்பெனிகள் டிவியில் தாங்கள் உற்பத்தி செய்யும் எண்ணெய்யில் கொழுப்புச்சத்து குறைவாக உள்ளதாக கூறி விளம்பரம் செய்கிறார்கள்.
"நோ" கொழுப்புச் சத்து:
இந்நிலையில், சமையல் எண்ணெய்யில் கொழுப்புச்சத்தே கிடையாது என்கிறார் தேசிய ஊட்டச்சத்து நிறுவனத்தின் துணை இயக்குநரும், ஊட்டச்சத்து வல்லுனருமான ரகுநாதன் ராவ்.
ஆரோக்கிய வாழ்க்கை:
கொல்கத்தாவில் ஸ்மார்ட் வேல்யூ பிராடக்ட்ஸ் அண்ட் சர்வீசஸ் நடத்திய ஆரோக்கியமாக வாழ்வது எப்படி என்பதை பற்றிய கருத்தரங்கில் ரகுநாதன் ராவ் கலந்து கொண்டார்.
விளம்பரத்தை நம்பாதே:
அப்போது அவர், "சில குக்கிங் ஆயில் பிராண்டுகள் தங்கள் எண்ணெய்யில் "லெஸ் கொலஸ்ட்ரால்" என்றும், இன்னும் சில பிராண்டுகள் "நோ கொலஸ்ட்ரால்" என்றும் விளம்பரம் செய்கிறார்கள்.
கொழுப்பு கிடையவே கிடையாது:
உண்மையில், எந்த சமையல் எண்ணெய்யிலும் கொழுப்புச்சத்து இருக்காது. எனவே யாரும் எண்ணெய் என்றாலே பயப்பட வேண்டாம்.
எல்லாமே விற்பனைக்குத்தான்:
இதெல்லாம் மார்கெட்டிங் உக்திகளே தவிர வேறொன்றுமில்லை. பெரும்பாலானோர் சமையல் எண்ணெய்யை பயன்படுத்துவதையே தவிர்த்து வருகின்றனர்.
விழிப்புணர்வு தேவை:
நாம் ஒன்றை புரிந்து கொள்ள வேண்டும், சில பச்சை காய்கறிகளை சமைக்கும் போது அவற்றில் உள்ள சத்துக்கள் பிரிந்து உணவுடன் கலப்பதற்கு சமையல் எண்ணெய்களே உதவுகின்றன. இதுபோன்ற விழிப்புணர்வின்மையால் தான் ஊட்டச்சத்து குறைபாடு ஏற்படுகிறது" என்று தெரிவித்துள்ளார்.