சன்னி லியோன் ரசிகை ராதே மாவை 'தேவி' என்பதில் தப்பே இல்லையாம்: சொல்வது பாஜக எம்.பி. சம்ப்ளா
டெல்லி: சாமியார் ராதே மாவை தேவி என்று அழைப்பதில் தவறு எதுவும் இல்லை என பாஜக எம்.பி. விஜய் சம்ப்ளா தெரிவித்துள்ளார்.
சர்ச்சையில் சிக்கியுள்ள ராதே மா பெண் சாமியார் பற்றி பஞ்சாப் மாநிலம் ஹோஷியார்பூரைச் சேர்ந்த பாஜக எம்.பி. விஜய் சம்ப்ளா செய்தியாளர்களுக்கு பேட்டி அளித்தார். அப்போது அவர் கூறுகையில்,
நான் அனைத்து மதங்களையும் பின்பற்றி வருகிறேன். யார் வேண்டுமானாலும் யாரை வேண்டுமானாலும் வணங்கும் உரிமை உள்ளது. ராதே மாவை தேவி என்று அழைப்பதில் எந்த தவறும் இல்லை. ஒருவர் மீது வழக்குப்பதிவு செய்வதால் அவர் குற்றவாளி ஆகிவிட மாட்டார் என்றார்.
முன்னதாக விஜய் இந்த ஆண்டின் துவக்கத்தில் டெல்லியில் உள்ள அவரது அதிகாரப்பூர்வ வீட்டில் ராதே மா வழிபாட்டு கூட்டத்தை நடத்தினார் என்பது குறிப்பிடத்தக்கது. வரதட்சணை கொடுமை, 6 பேரை தற்கொலை செய்யத் தூண்டியது ஆகிய வழக்குகளில் சிக்கியுள்ளவர் ராதே மா.
ஆபாச பட நடிகையாக இருந்து பாலிவுட் படங்களில் நடித்து வரும் சன்னி லியோனின் தீவிர ரசிகை ராதே மா. இதை அவரே தெரிவித்துள்ளார் என்பது குறிப்பிடத்தக்கது.