டெல்லியில் சமையல் எரிவாயு சிலிண்டர் விலை அதிரடியாக ரூ.73.50 உயர்வு!

டெல்லியில் சமையல் எரிவாயு சிலிண்டர் விலை அதிரடியாக ரூ73.50 என உயர்த்தப்பட்டுள்ளது.

டெல்லி: சமையல் எரிவாயு சிலிண்டர் விலை டெல்லியில் நள்ளிரவு முதல் அதிரடியாக ரூ73.50 உயர்த்தப்பட்டுள்ளது. டெல்லியில் சமையல் எரிவாயு சிலிண்டர் விலை தற்போது ரூ597.50 ஆக விற்பனை செய்யப்படுகிறது.

சமையல் எரிவாயு சிலிண்டர்களுக்கான அனைத்து மானியங்களையும் அடுத்த ஆண்டு மார்ச் மாதத்துக்குள் ரத்து செய்ய முடிவெடுத்துள்ளதாக மத்திய அரசு அண்மையில் தெரிவித்தது. அதேபோல் மானிய சமையல் எரிவாயு சிலிண்டர்கள் மீதான விலையை மாதந்தோறும் ரூ4 உயர்த்தலாம் எனவும் லோக்சபாவில் மத்திய பெட்ரோலியத் துறை அமைச்சர் தர்மேந்திர பிரதான் எழுத்துப்பூர்வமாக அளித்த பதிலில் குறிப்பிட்டிருந்தார்.

இதையடுத்து மானியமில்லாத சமையல் எரிவாயு சிலிண்டர் விலை கடுமையாக உயர்ந்து வருகிறது. டெல்லியில் 14.2 கிலோ எடையுள்ள மானியமில்லா வீட்டு பயன்பாட்டுக்கான சமையல் எரிவாயு சிலிண்டர் விலை ஆகஸ்ட் மாதத்தில் ரூ524 என விற்பனை செய்யப்பட்டு வந்தது.

இந்நிலையில் அதிரடியாக நள்ளிரவு முதல் சமையல் எரிவாயு சிலிண்டர் விலை ரூ73.50 உயர்த்தப்பட்டிருப்பது டெல்லிவாசிகளை அதிர வைத்துள்ளது. தற்போது டெல்லியில் சமையல் எரிவாயு சிலிண்டர் விலை ரூ597.50 ஆக விற்பனை செய்யப்பட்டு வருகிறது.

நாடு முழுவதும் 18.11 கோடி நுகர்வோர் மானிய சமையல் எரிவாயு சிலிண்டர்களையும் 2.66 கோடி பேர் மானியமில்லா சமையல் எரிவாயு சிலிண்டர்களையும் பயன்படுத்துகின்றனர் என்பது குறிப்பிடத்தக்கது.

English summary

The price of the domestic cooking gas or Liquified Petroleum Gas (LPG) prices in Delhi have been hiked to Rs 73.50 from midnight August 31/September 1. The revised price of a cylinder will be Rs 597.50 for September this year.