நரேந்திர மோடியுடன் விருந்து சாப்பிட ரூ.25 லட்சம் கட்டணம்
டெல்லி: பா.ஜ.க. பிரதமர் வேட்பாளர் நரேந்திர மோடி பங்கேற்கும் சிறப்பு விருந்தில் மோடியின் அருகில் அமர்ந்து விருந்து சாப்பிட ரூ.25 லட்சம் கட்டணம் நிர்ணயம் செய்யப்பட்டுள்ளதாம்.
மோடி பங்கேற்கும் கூட்டம் வரும் 26-ந்தேதி டெல்லியில் நடைபெற உள்ளது. இதில் மோடியுடன் அமர்ந்து விருந்து சாப்பிடலாம். தேர்தல்நிதி திரட்டும் விதமாக இந்த விருந்து ஏற்பாடு செய்யப்பட்டுள்ளது.
மோடியுடன் விருந்து சாப்பிட கட்டணம் செலுத்த வேண்டும். கட்டணத் தொகையாக ரூ.1 லட்சம் முதல் ரூ.25 லட்சம் வரை என்று நிர்ணயிக்கப்பட்டுள்ளது.
மோடியின் அருகில்
ரூ.25 லட்சம் கொடுப்பவர்கள் மோடி அருகில் உட்கார்ந்து சாப்பிடலாமாம். இந்த திட்டத்தின் மூலம் பா.ஜ.க.வுக்கு அன்று ஒரு நாள் மட்டும் ரூ.15 கோடி நிதி கிடைக்கும் என்று எதிர்பார்க்கப்படுகிறது.
கெஜ்ரிவால் விருந்து
ஆம் ஆத்மி கட்சியின் அர்விந்த் கெஜ்ரிவால் நாக்பூரில் இதேபோன்று விருந்து நிகழ்ச்சி நடத்தி தேர்தல் நிதி வசூலித்தார். கெஜ்ரிவாலுடன் விருந்து சாப்பிட ரூ.10000 முதல் ரூ.20000 வரை வசூலிக்கப்பட்டது. 100 பேர் பங்கேற்ற இந்த விருந்தில் ரூ.14 லட்சம் வரை வசூலிக்கப்பட்டது.
பெங்களூரில் கெஜ்ரிவால்
கெஜ்ரிவால் தன்னுடைய அடுத்த விருந்து நிகழ்ச்சியை பெங்களூரில் எற்பாடு செய்திருக்கிறார். இதே ஸ்டைலில் இப்போது பாஜகவும் மோடியுடன் விருந்து நிகழ்ச்சிக்கு ஏற்பாடு செய்துள்ளது குறிப்பிடத்தக்கது.