பிரதமர் மோடி 27-ந் தேதி சீனா பயணம்- அதிபர் ஜின்பிங்குடன் சந்திப்பு!
பிரதமர் மோடி வரும் 27-ந் தேதி சீனா பயணம் மேற்கொள்கிறார்.
டெல்லி: பிரதமர் நரேந்திர மோடி வரும் 27-ந் தேதி முதல் 2 நாட்கள் பயணமாக சீனா செல்கிறார். அங்கு அதிபர் ஜின்பிங்கை சந்தித்து இருதரப்பு உறவு குறித்து விவாதிக்கிறார்.
ஷாங்காய் ஒத்துழைப்பு அமைப்பின் மாநாடு சீனாவில் நடைபெற்றது. இதில் மத்திய வெளியுறவுத் துறை அமைச்சர் சுஷ்மா ஸ்வராஜ் பங்கேற்றார்.
இம்மாநாட்டின் போது சீனா வெளியுறவுத்துறை அமைச்சர் வாங்யியையும் சுஷ்மா ஸ்வராஜ் சந்தித்து பேசினார். இச்சந்திப்பை தொடர்ந்து செய்தியாளர்களிடம் பேசிய சீனா வெளியுறவுத்துறை அமைச்சர் வாங்யி, வரும் 27-ந் தேதி பிரதமர் நரேந்திர மோடி சீனா வருகை தர உள்ளார் என்றும் அதிபர் ஜினிபிங்கை சந்தித்து இருதரப்பு உறவு குறித்து விவாதிப்பார் என்றார்.
நாட்டின் பிரதமராக பதவியேற்ற பின்னர் 4-வது முறையாக சீனா செல்கிறார் மோடி. டோக்லாம் பிரச்சனை, நாதுலா கணவாய் பாதை உள்ளிட்ட பல்வேறு விவகாரங்கள் குறித்து இந்த பயணத்தின் போது பிரதமர் மோடி விவாதிக்க உள்ளார்.