ஒபாமாவுடனான போட்டோவுல மோடி சட்டை முழுக்க 'நரேந்திர மோடி'ன்னு பிரிண்ட் போட்டிருந்தது தெரியுமா?
டெல்லி: அமெரிக்கா அதிபர் ஒபாமாவை வரவேற்க காவி துண்டுடன் போன பிரதமர் மோடி மாலையிலும் வித்தியாசமான கெட்டப்பில் அசத்தியிருக்கிறார்.
அமெரிக்கா அதிபர் ஒபாமாவின் இந்திய வருகையைவிட கடந்த 2 நாட்களாக பிரதமர் மோடி அணிந்து வரும் உடைகள் பற்றிதான் ஊரெங்கும் ஒரே பேச்சாக இருக்கிறது.
ஒபாமாவை வரவேற்க விமான நிலையத்துக்கு போன பிரதமர் மோடி காவி சால்வை அணிந்து அசத்தினார். பின்னர் மாலையில் ஒபாமாவுக்கு டீ ஊற்றிக் கொடுத்து வர்த்தக அணுசக்தி ஒப்பந்தம் உள்ளிட்டவை பற்றி பேசினார் பிரதமர் மோடி.
அப்போது பிரதமர் மோடி மெல்லிய கோடு போல தோற்றமளிக்கும் நீல நிற சட்டை அணிந்திருந்தார். இப்போது இணைய குசும்பர்கள் இந்த படத்தை பெரிதாக்கிப் பார்த்து 'பெரிய' விஷயமாக்கிவிட்டனர்.
ஆமாம் மோடியின் சட்டையில் போடப்பட்டிருந்தது கோடு அல்ல.. அத்தனையுமே 'நரேந்திர மோடி' என்று ஆங்கிலத்தில் கோடு போல பிரிண்ட் செய்யப்பட்டிருப்பதுதான் என 'கண்டுபிடித்து'விட்டனர். இப்போது இதுதான் சமூக வலைதளங்களின் ஹாட் டாபிக்..
இதனைக் கூட மோடி வெளிநாட்டு தலைவர் ஒருவரைப் பார்த்து காப்பிடி அடித்தார் என்று கூடவே கமெண்ட்டும் ஓடிக் கொண்டிருக்கிறது.