மோடி பிரதமராகும் முன்பு ட்விட்டரில் புதிய கணக்கை துவங்கிய பிரதமர் அலுவலகம்
டெல்லி: மோடி புதிய பிரதமராக பதவியேற்க உள்ள நிலையில் பிரதமர் அலுவலக ட்விட்டர் கணக்கு மாற்றியமைக்கப்பட்டுள்ளது.
நாட்டின் 14வது பிரதமராக நரேந்திர மோடி இன்று தேர்வு செய்யப்பட்டுள்ளார். இந்நிலையில் பிரதமர் அலுவலகம் தனது ட்விட்டர் கணக்கை மாற்றி அமைத்துள்ளது.
முன்னதாக மன்மோகன் சிங் பிரதமராக இருந்தபோது வெளியிடப்பட்ட ட்வீட்கள் @PMOIndiaArchive என்ற கணக்கில் வைக்கப்பட்டுள்ளது. புதிய பிரதமர் அலுவலக ட்விட்டர் கணக்கில் ட்வீட்கள் எதுவும் வெளியிடப்படவில்லை என்றாலும் அதை பின்தொடர்பவர்களின் எண்ணிக்கை 750 ஆக உள்ளது. இந்த எண்ணிக்கை தொடர்ந்து அதிகரித்துக் கொண்டே உள்ளது.
நரேந்திர மோடி வரும் 26ம் தேதி முறைப்படி பிரதமராக பதவியேற்கிறார். நாடாளுமன்ற தேர்தலில் தான் போட்டியிட்ட வதோதரா மற்றும் வாரனாசி ஆகிய இரண்டு இடங்களிலுமே மோடி அமோக வெற்றி பெற்றார் என்பது குறிப்பிடத்தக்கது.