மோடியின் புகழ் குறையவில்லை.. தேர்தல் வெற்றி பற்றி பாஜக தலைவர்கள் கூறியதை பாருங்கள்
டெல்லி: பாஜக தலைவர்கள், குஜராத் மற்றும், ஹிமாச்சல பிரதேசத்தில் அக்கட்சிக்கு கிடைத்த வெற்றி குறித்து கருத்துக்களை தெரிவித்துள்ளனர்.
மூத்த அமைச்சர்கள் ராஜ்நாத்சிங், பிரகாஷ் ஜவடேக்கர் போன்றோர், இரு மாநில தேர்தல் வெற்றி, மோடியின் தலைமைக்கு கிடைத்த வெற்றி என கூறியுள்ள நிலையில், பாஜக தலைவர்களில் ஒருவரான சாக்ஷி மகராஜ், ராகுல் காந்தி நேரத்திற்கு தக்கபடி நிறத்தை மாற்றினார். திடீரென கோயிலுக்கு சென்று, இந்துக்களை கவர நினைத்தார். ஆனாலும் பாஜக வெற்றி பெற்றுள்ளது. இது பிரதமரின் மேஜிக் என வர்ணித்துள்ளார்.
அமைச்சர் கிரிராஜ் சிங் கூறுகையில், காங்கிரஸ் தலைவரானதும் ராகுல் காந்திக்கு கிடைத்த முதல் தோல்வி என வர்ணித்துள்ளார்.
பிரகாஷ் ஜவடேக்கர் கூறுகையில், இப்போதைய அரசியலில் வளர்ச்சிதான் மந்திரம். அந்த மந்திரத்தை உச்சரிக்கும் மோடியுடன் மக்கள் உள்ளனர் என்றார். பாஜக துணை தைவர் சியாம் ஜாஜு கூறுகையில், பிரதமரின் புகழ் குறையவில்லை. அமித்ஷாவின் வியூகத்திற்கு பலன் கிடைத்துள்ளது என்றார்.