• search
For Quick Alerts
ALLOW NOTIFICATIONS  
For Daily Alerts
Just In

தனியார் நிறுவனங்களில் பணிபுரியும் கர்ப்பிணிகளுக்கு இனி 6 மாதம் ஊதியத்துடன் கூடிய மகப்பேறு விடுப்பு

By Lakshmi Priya
|

டெல்லி: தனியார் நிறுவனங்களில் பணிபுரியும் கர்ப்பிணிகளுக்கு நடைமுறையில் உள்ள 3 மாத மகப்பேறு விடுப்பை 6 மாதமாக மாற்றும் மசோதாவுக்கு ஜனாதிபதி ஒப்புதல் அளித்தார்.

அரசு அலுவலகங்களில் பணியாற்றும் பெண்களுக்கு 26 வாரங்கள் அல்லது 6 மாதங்கள் ஊதியத்துடன் கூடிய மகப்பேறு விடுப்பு அளிக்கப்பட்டு வருகிறது. ஆனால் தனியார் துறையில் பணியாற்றும் பெண்களுக்கு தற்போது வெறும் 12 வாரங்கள் அதாவது 3 மாதங்கள் மட்டுமே ஊதியத்துடன் கூடிய விடுப்பு அளிக்கப்படுகிறது.

இதை மாற்றி 10-க்கும் மேறபட்டோர் பணிபுரியும் தனியார் நிறுவனங்களில் உள்ள மகளிருக்கும் 26 வாரங்கள் ஊதியத்துடன் கூடிய மகப்பேறு விடுப்பு அளிக்கும் வகையில் மகப்பேறு ஆதாய சட்டத் திருத்த மசோதா மார்ச் 9-ஆம் தேதி லோக்சபாவிலும், மார்ச் 20-இல் ராஜ்யசபாவிலும் நிறைவேற்றப்பட்டது.

அதில் 3 வயதுக்கு கீழ் உள்ள குழந்தைகளை தத்தெடுக்கும் தாய்மார்களுக்கும் 12 வாரங்கள் விடுப்பு வழங்கவும் கோரப்பட்டது.

 55 ஆண்டுகள் பழைமை

55 ஆண்டுகள் பழைமை

இதன் பின்னர் 55 ஆண்டுகால பழமையான சட்டத்தில் திருத்தம் மேற்கொள்ள ஜனாதிபதி பிரணாப் முகர்ஜியின் ஒப்புதலுக்கு அனுப்பப்பட்டது. அந்த மசோதாவுக்கு அவர் இன்று ஒப்புதல் அளித்தார்.

 26 வாரங்களாக அதிகரிப்பு

26 வாரங்களாக அதிகரிப்பு

அதில் 12 வாரங்களாக இருந்த மகப்பேறு விடுப்பானது 26 வாரங்களாக அதிகரிக்கிறது. அந்த காலகட்டத்தில் முழு ஊதியமும் வழங்கப்பட வேண்டும். இந்த திட்டமானது முதல் இரு குழந்தைகளுக்கு மட்டுமே ஆகும். மேலும் 3 அல்லது அதற்கு மேற்பட்ட குழந்தைக்கான மகப்பேறு விடுப்பு வழக்கம் போல் 12 வாரங்கள் மட்டுமே இருக்கும். இது தொடர்பாக 10-க்கும் மேற்பட்டோர் பணிபுரியும் தனியார் நிறுவனங்களில் பெண்கள் பணிக்கு சேரும்போது அவர்களுக்கு இதுதொடர்பாக அறிவிக்க வேண்டும்.

 தத்தெடுக்கும் தாய்மார்களுக்கும்...

தத்தெடுக்கும் தாய்மார்களுக்கும்...

அதேபோல் 3 வயதுக்கு குறைவான குழந்தைகளை தத்தெடுக்கும் தாய்மார்களுக்கு மகப்பேறு விடுப்பாக 12 வாரங்கள் அளிக்க வேண்டும். இந்த 26 வார காலத்துக்கு பிறகு வீட்டிலிருந்து பெண்கள் பணியாற்றும் வசதி இருக்கும் நிறுவனங்கள் அதை அனுமதிக்கலாம் என்றும் தெரிவிக்கப்பட்டுள்ளது.

 இந்தியா 3-ஆவது இடம்

இந்தியா 3-ஆவது இடம்

மகளிருக்கு மிக அதிக வாரங்கள் மகப்பேறு விடுப்பு அளிக்கும் நாடுகளுள் உலகிலேயே இந்தியா மூன்றாவது இடத்தை பெற்றுள்ளது. 50 வாரங்களுடன் கனடாவும், 44 வாரங்களுடன் நார்வேயும் முதல் இரண்டு இடங்களை பிடித்துள்ளது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
Women employees will now be able to get paid maternity leave of 26 weeks, up from 12 weeks, as per a new law.
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more