என்னா ஆட்டம்.. திருமண விழாக்களில் அசத்தல் டான்ஸ் போடும் கல்லூரி போராசிரியர்.. வைரலாகும் வீடியோ!
மத்தியப் பிரதேசத்தை சேர்ந்த பேராசிரியர் ஒருவர் திருமண விழாக்களில் அசத்தல் டான்ஸ் ஆடும் வீடியோ வைரலாகியுள்ளது.
Recommended Video
போபால்: மத்தியப் பிரதேசத்தை சேர்ந்த பேராசிரியர் ஒருவர் திருமண விழாக்களில் அசத்தல் டான்ஸ் ஆடும் வீடியோ வைரலாகியுள்ளது.
மத்தியப் பிரதேச மாநிலம் போபாலைச் சேர்ந்தவர் சஞ்சீவ் ஸ்ரீவாஸ்தவா. 46 வயதான இவர் போபாலில் உள்ள கல்லூரியில் பேராசிரியராக பணி புரிந்து வருகின்றார்.
நடனத்தில் அதிக ஆர்வம் கொண்டவராம் சஞ்சீவ் ஸ்ரீவாஸ்தவா. உறவினர்கள் மற்றும் நண்பர்கள் வீட்டு நிகழ்ச்சியில் பங்கேற்று நடனமாடுவதை வழக்கமாக கொண்டுள்ளார்.
இடுப்பை வளைத்து
இந்நிலையில் உறவினர் வீட்டு திருமண நிகழ்ச்சி ஒன்றில் பேராசிரியர் சஞ்சீவ் ஸ்ரீவாஸ்தவா அசத்தல் நடனமாடிய வீடியோ வெளியாகியுள்ளது. சஞ்சீவ் தனது மனைவியுடன் இளம் ஹீரோக்களைப் போல் நளினத்துடன் கழுத்து இடுப்பை வளைத்து கலக்கல் டான்ஸ் ஆடுகிறார்.
கோவிந்தாவின் டான்ஸ்
பாலிவுட் நடிகர் கோவிந்தாவின் தீவிர ரசிகரான சஞ்சீவ், தனது நடனத்திலும் அவரை பின்பற்றுகிறார். 80 களில் வெளியான கோவிந்தாவின் பாடல்களுக்கு அவரை போலவே கலக்கல் நடனமாடி கலக்குகிறார் இந்த பேராசிரியர்.
ஊக்கப்படுத்தும் உறவுகள்
அவரது மனைவியும் அவருடன் நடனமாட நல்ல ஒத்துழைப்பை தருகிறார். இவர்களின் நடனத்தை பார்த்த உறவினர்கள் ரூபாய் நோட்டுகளால் அவர்களை சுற்றி ஊக்கப்படுத்தி வருகின்றனர்.
|
குவியும் பாராட்டு
பாலிவுட் நடிகர் கோவிந்தா பாணியில் நடனமாடும் பேராசிரியர் சஞ்சீவின் வீடியோ சமூக வலைதளங்களில் தீயாக பரவி வருகிறது. அவரது நடன அசைவுகளை பார்த்து சமூக வலைதளங்களில் பாராட்டுகளும் குவிந்து வருகின்றன.