Click it and Unblock the Notifications
Don't Miss
-
இதெல்லாம் நிஜமா.. என்னை நானே கிள்ளிப் பார்த்துக் கொண்டேன்.. வருங்கால ஆஸி. அதிரடி மன்னன் -
சுஸுகி பைக்குகளில் இது தனி ரகம்!! இந்தியாவில் விலையை கேட்டால் மயக்கமே வந்துவிடும்! -
மீன ராசியில் வக்ர நிவர்த்தி அடையும் புதன்: ஏப்ரல் 25 முதல் இந்த 3 ராசிக்கு தொழிலில் வெற்றிகள் குவியும்.. -
Google-ன் அடுத்த அடி.. உங்க Gmail அக்கவுண்ட்ல 4000-க்கும் அதிகமான இமெயில் இருக்கா? அப்போ இதுதான் ஒரே வழி! -
பர்னிச்சர் பொருட்களை வாடகைக்கு எடுப்பது லாபமா..? சொந்தமாக வாங்குவது லாபமா..? -
சூப்பர் சாதனை....தொழிலாளர் நலத்துறை ஆணையரின் மகள் யுபிஎஸ்சி தேர்வில் வெற்றி -
அட அதுக்குள்ள லீக் ஆகிடுச்சே.. சியான் 62 பட டைட்டில் இதுதானா?.. ஆனால், அந்த வாடை வருதே! -
தமிழ்நாட்டில் தேனிலவு செல்வதற்கு ஏற்ற குளிர்ச்சியான அழகான மலைவாசஸ்தலங்கள்!
அமேதியில் தோற்ற ராகுல்.. மொத்த குடும்ப மானமும் ஒரே நாளில் காலி.. என்னத்த சொல்றது!
அமேதி தொகுதியிலேயே ராகுல் காந்தி தோல்வியை சந்தித்தது அரசியல் ரீதியில் அவருக்கு பெரும் பின்னடைவாக கருதப்படுகிறது. பல தசாப்தங்களாக இத்தொகுதியானது காங்கிரஸ் கட்சியின் கோட்டையாக விளங்கியதால், ராஜீவ் காந்தியில் துவங்கி, சோனியா காந்தி, ராகுல் காந்தி வரை இந்த தொகுதியை ஆஸ்தான இடமாக கருதி போட்டியிட்டு வந்தனர்.
கடந்த 1967 முதல் இந்த தொகுதி காங்கிரஸ் கட்சியின் கோட்டையாக விளங்கி வருகிறது. 1977ல் ஜனதா கட்சியின் ரவீந்திர பிரதாப் சிங்கும், 1998ல் பாஜகவை சேர்ந்த சஞ்சய் சிங்கும் இடையில் வெற்றி பெற்றனர். மற்ற அனைத்து தேர்தல்களிலுமே இந்த தொகுதியில் காங்கிரஸ் கட்சிதான் வென்றிருக்கிறது.
இந்த தொகுதியில் இருந்து ராகுல் காந்தியின் தந்தையும் மறைந்த முன்னாள் பிரதமருமான ராஜீவ் காந்தி 4 முறை எம்பி.,யாக தேர்வு செய்யப்பட்டார். அதேபோன்று, ராகுல் காந்தியின் தாயும், காங்கிரஸ் கட்சியின் முன்னாள் தலைவருமான சோனியா காந்தியும் இத்தொகுதியில் இருந்து ஒருமுறை எம்.பி.,யாக தேர்வு செய்யப்பட்டார்.
கடந்த 2004ம் ஆண்டுக்கு பின்னர் இந்த தொகுதியின் எம்பி.,யாக மூன்று முறை ராகுல் காந்தி தேர்வு செய்யப்பட்டார். இந்த நிலையில், இந்த லோக்சபா தேர்தலில் அமேதி தொகுதி பாஜக வசமாகி இருக்கிறது. காங்கிரஸ் கட்சியின் அகில இந்திய தலைவராகவும், பிரதமர் வேட்பாளராகவும் முன்மொழியப்பட்ட ராகுல் காந்தி அமேதி தொகுதியிலேயே கோட்டைவிட்டது பெரும் பின்னடைவாகவே இருக்கிறது.
அவரது அரசியல் எதிர்காலத்தையே கேள்விக்குறியாக்கும் வகையில், இந்த தோல்வி பார்க்கப்படுகிறது. அவரை திடமான அரசியல் தலைவராக மக்கள் ஏற்றுக் கொள்ளவில்லை என்ற ரீதியில் விமர்சனம் எழுந்துள்ளது.
அமேதியில் தோல்வி பயம் காரணமாகவே, அவர் கேரள மாநிலத்தில் உள்ள வயநாட்டிலும் போட்டியிட்டதாக பாஜக விமர்சனம் செய்தது. அதனை மெய்ப்பிப்பது போலவே, இந்த தேர்தல் முடிவுகளும் அமைந்துள்ளன. அதேநேரத்தில், வயநாடு தொகுதியில் இதுவரை இல்லாத வகையில் பெரிய அளவு வாக்கு வித்தியாசத்தில் வெற்றி பெற்றிருக்கிறார் ராகுல் காந்தி.
இந்த நிலையில், அமேதி தொகுதியில் தன்னை எதிர்த்து போட்டியிட்ட பாஜக வேட்பாளரும், மத்திய அமைச்சருமான ஸ்மிருதி இரானிக்கு ராகுல் காந்தி வாழ்த்து தெரிவித்துள்ளார். மேலும், அமேதி தொகுதியை பத்திரமாக பார்த்துக் கொள்ளுமாறும் வேண்டுகோள் விடுத்துள்ளார்.
