அய்யய்யோ, அஸ்ஸாமில் ஆர்.பி.ஐ. கட்சிக்கு நடிகை ராக்கி சாவந்த் பிரச்சாரம் செய்யப் போகிறாராம்!
மும்பை: அஸ்ஸாம் தேர்தலில் போட்டியிடும் இந்திய குடியரசுக் கட்சிக்கு பாலிவுட் நடிகை ராக்கி சாவந்த் பிரச்சாரம் செய்ய உள்ளாராம்.
மகாராஷ்டிரா மாநிலத்தில் உள்ள தலித் சமூகத்தினரின் உரிமைகளுக்ககாக போராடி வரும் இந்திய குடியரசுக் கட்சி(அதாவாலே) அஸ்ஸாம் சட்டசபை தேர்தலில் போட்டியிட முடிவு செய்துள்ளது.
அஸ்ஸாம் அரசியல் புதிது தான் என்றாலும் 5 இடங்களிலாவது வெற்றி கிடைக்கும் என்று அக்கட்சி நம்பிக்கையுடன் உள்ளது. இது குறித்து கட்சியின் மாநில பொதுச் செயலாளர் நாதுனி தாஸ் கூறுகையில்,
நடிகை ராக்கி சாவந்த் எங்கள் கட்சியின் மகளிர் அணி தலைவியாக உள்ளார். அவர் பிரச்சாரம் செய்தால் நிச்சியம் இளைய தலைமுறையினரை அது சென்றடையும். பாடகி சல்மா அகாவையும் பிரச்சாரத்திற்கு அழைக்க திட்டமிட்டுள்ளோம். பாலிவுட் நடிகர் நானா படேக்கரும் பிரச்சாரத்திற்கு வருவார் என்றார்.
2014ம் ஆண்டு நடந்த லோக்சபா தேர்தலில் மும்பை வடமேற்கு தொகுதியில் சுயேட்சையாக போட்டியிட்டு தோல்வி அடைந்தவர் ராக்கி. ராஷ்ட்ரிய ஆம் கட்சியை துவங்கிய வேகத்தில் அதை கலைத்துவிட்டு இந்திய குடியரசுக் கட்சிக்கு தாவிவிட்டார்.